यू १७ वुमेन्स साफ च्याम्पियनसीपमा रुससँग नेपाल पराजित
काठमाडौँ — नेपाल यू–१७ वुमेन्स साफ च्याम्पियनसीपमा आइतबार रुसको हातबाट ३–० ले पराजित भएको छ । नेपालले पहिलो हाफमा रुसलाई गोलरहित बराबरीमा रोके पनि त्यस्तै प्रदर्शन अर्को हाफमा दोहराउन सकेन् ।
बंगलादेशको ढाकास्थित मुस्तफा कमल स्टेडियममा भएको खेलमा रुसका लागि एलिनाले २ तथा पोलिनाले १ गोल गरिन् ।
आइतबारको पहिलो खेलमा भारतले भुटानलाई सजिलै ९–० ले हराएको थियो । त्यसमा सिल्जी साजी एक्लैले ५ गोल गरिन् ।
कुल पाँच टिम सम्मिलित प्रतियोगितामा रुसको यो लगातार तेस्रो हार हो । र उसको ९ अंक भएको छ । यससँगै रुस शीर्ष स्थानमा छ । त्यसपछि भारत र बंगलादेश ६/६ अंकमा छन् । नेपाल भने ३ अंकमा रहेको छ । भुटान सबै खेलमा पराजित भएर बिना कुनै अंक अन्तिम स्थानमा छ ।
प्रतिक्रिया