एलडीबीए बास्केटबल आइतबारदेखि

प्रतियोगितामा २४ टिमको सहभागिता रहने आयोजक संघका अध्यक्ष शरद विष्टले जनाएका छन् । प्रतिस्पर्धी टिमलाई ८ समूहमा विभाजन गरी लिगकम नकआउट आधारमा खेलाइने छ । प्रत्येक समूहका विजेता र उपविजेता प्रिक्वाटरफाइनलमा पुग्नेछन् ।

सहभागी टिममा आर्मी र टाइम्सका ३–३ टिम, गोल्डेनगेट, कीर्तिपुर, अक्सब्रिज र नखिपोट युथ क्लबका २–२ टिम, विशाल मिलन केन्द्र (बीएमके), पीवाईसी, केसीएम, फेमिली, अन्डरडग्स, विराटनगर, धरान, शंकरदेव, भनीमण्डल र माम्बा छन् ।

नेपाल बास्केटबल संघको प्राविधिक सहयोगमा हुने दुईदिने प्रतियोगिता त्रिपुरेश्वरस्थित राष्ट्रिय खेलकुद परिषद्को सेमिकभर्डहलमा हुनेछ । प्लाटिनम, एलओडी, त्रिसरा, तामारिन्ड, द वर्कसप इटेरी, युनियन, डीएभी, ८८४८ बेसक्याम्प, काठमान्डोग र ब्रान्डहाउसले सहयोग गरेको आयोजकले जनाएको छ ।