साफ च्याम्पियनसिप बेंगलुरुमा हुने

च्याम्पियनसिपमा दक्षिण एसियाली फुटबल महासंघ (साफ) का सातै देशका राष्ट्रिय टिम सहभागी हुने अपेक्षा गरिएको छ । अन्तर्राष्ट्रिय फुटबल महासंघ (फिफा) को प्रतिबन्धमा परेको श्रीलंकाले भने उक्त प्रतिबन्ध फुकुवा भएमा मात्रै साफमा सहभागी हुन पाउनेछ । सन् २०२१ मा माल्दिभ्समा भएको १२ औं संस्करणमा नेपाली टिम उपविजेता भएको थियो । त्यो नै साफमा नेपालको सबभन्दा ठूलो उपलब्धि हो । माल्दिभ्समा भएको फाइनलमा नेपाललाई ३–० ले हराएर भारत च्याम्पियन भएको थियो ।