कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १५३

मुकेश र राजपुराले जिते दौड

काठमाडौँ — आर्मीका मुकेशबहादुर पाल र पुलिसकी राजपुरा पछाईं तेस्रो मदन भण्डारी स्मृति ५ किमि रोड रेसमा शनिबार विजेता बनेका छन् ।

मुकेश र राजपुराले जिते दौड

रन क्लब नेपालद्वारा राजधानीमा आयोजित दौडको पुरुष खुलातर्फ मुकेशले निर्धारित दूरी १५ मिनेट २२.९ सेकेन्डमा पूरा गरे । आर्मीकै सञ्जय श्रेष्ठ दोस्रो र गजेन्द्र राई तेस्रो भए । सञ्जयले १५ मिनेट २७.५ सेकेन्ड र गजेन्द्रले १५ मिनेट ३१.९ सेकेन्ड लगाए ।

महिलातर्फ राजपुराले १८ मिनेट १६.२ सेकेन्डबाट दौड जितिन् । पुलिसकी राममाया बुढाले १८ मिनेट १६.५१ सेकेन्डबाट दोस्रो भइन् । तेस्रो स्थानकी आर्मीकी पूर्णलक्ष्मी न्यौपानेले १८ मिनेट १७.०५ सेकेन्ड लगाइन् । पुरुष/महिलामा शीर्ष तीन स्थान हात पार्नेले क्रमशः २५ हजार, १२ हजार र ८ हजार रुपैयाँ पुरस्कार पाए ।

स्कुलतर्फ छात्रमा विकेश घिमिरे पहिलो र नवराज गुरुङ दोस्रो भए । छात्रामा सोनु घतानीले स्वर्ण, पूर्णिमा श्रेष्ठले रजत र जेशिका महर्जनले कांस्य जिते । छात्र/छात्रामा पहिलो हुनेले १० हजार, दोस्रोले ५ हजार र तेस्रोले ३ हजार पुरस्कार प्राप्त गरे ।

विजेतालाई म्याराथनका कीर्तिमानी पूर्वधावक वैकुण्ठ मानन्धर, नेपाल र्‍याफटिङ एन्ड क्यानोइङ संघका कार्यबाहक अध्यक्ष राजीव श्रेष्ठ, पूर्वधावक बुद्धवीर लामा, एथलेटिक्स संघका सचिव आरके विष्टलगायतल पुरस्कृत गरे । दौडमा २ सय प्रतिस्पर्धीले सहभागिता जनाएको आयोजक आयोजक क्लब अध्यक्ष सन्तोष श्रेष्ठले जनाएका छन् ।

प्रकाशित : चैत्र ४, २०७९ १८:४७
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?