आर्मीमाथि एपीएफको जित
काठमाडौँ — मणिकुमार लामाको निर्णायक गोलको मद्दतले एपीएफले सहिद स्मारक लिग ए डिभिजन ०७९/०८० मा बुधबार आर्मीलाई १–० ले हराएको छ । च्यासल मैदानमा भएको खेलमा मणिले ३७ औं मिनेटमा गोल गरेका हुन् । उनले विपिन श्रेष्ठको क्रसमा गोल गरेका हुन् ।
यससँगै एपीएफको चार खेलबाट ७ अंक भएको छ । यसपल्टको लिगमा आर्मीको यो पहिलो हार हो ।
यस्तै यस हारसँगै आर्मीको १६ खेलको अपराजित यात्रामा पनि टुंगेको छ । आर्मी पछिल्लो संस्करणको लिगमा अपराजित रहेको थियो । उसको चार खेलबाट ५ अंकमात्र रहेको छ ।