पुलिसमाथि मछिन्द्रको जित

एक गोलले पछाडि रहेको स्थिति उल्टाएर मछिन्द्रले यो उत्कृष्ट जित हात पारेको हो । उसका लागि नाइजेरियाली खेलाडी आफेज ओलावाले दुई गोल गरे । उनले २० औं मिनेटमा पहिलो गोल गरेपछि ४० औं मिनेटमा दोस्रो गोल थपे ।

पुलिसले भने नवौं मिनेटमा अञ्जन राईको गोलले अग्रता लिएको थियो, तर त्यसलाई कायम राख्न सकेन । मछिन्द्रले लिगको चौथो चरण आइपुगेयता यो पहिलो जित आत्मसात गरेको हो । यससँगै मछिन्द्रले रेलिगेसन क्षेत्र छाडेको छ ।

उसको चार खेलबाट चार अंक भएको छ । पुलिसको भने यो लगातार चौथो हार हो र टिम शून्य अंकमा अन्तिम स्थानमा रहेको छ । खराब लयबाट गुज्रिरहेको पुलिसको लिगमा यो अहिलेसम्मकै सबैभन्दा खराब सुरुआत हो । जसकारण पूरा टिमले दबाब सामना गर्नुपरेको छ ।