बास्केटबल फाइनलमा जेनिथ र रेडियन्ट
काठमाडौँ — नवौं एक्सेल्सियर कपअन्तर्गत सिनियर ब्वाइज बास्केटबलमा जेनिथ र रेडियन्ट पब्लिक उपाधिका भिड्ने भएका छन् । जेनिथले मोर्डन इन्डियनलाई ४२–३४ स्कोरले पराजित गर्यो । जेनिथका सुशील शाहीले १६ स्कोरको योगदान गरे । सुवास गौतमको २३ स्कोर मदतमा रेडियन्टले ओएसिसलाई ५३–५१ को झिनो अन्तरले हरायो ।
गर्ल्समा संस्कृति र काष्ठमण्डपले फाइनल यात्रा तय गरे । संकृतिले रातो बंगलामाथि १८–१६ को जित दर्ता गर्यो । संस्कृतिकी ओमी मास्केले ९ स्कोर गरिन् । रेडियन्टविरुद्ध काष्ठमण्डप १२–११ को साँघुरो अन्तरले विजयी भयो । काष्ठमण्डपकी रिया राईले ६ स्कोर जोडिन् । फाइनल बिहीबार हुनेछ ।
आईएसए नेपालले प्रथम यू–१२ राष्ट्रव्यापी थ्री बाइ थ्री बास्केटबल प्रतियोगिता गर्ने भएको छ ।
ललितपुर चाकुपाटस्थित बास्केटबल एकेडेमीमा हुने प्रतियोगितामा ब्वाइजतर्फ १२ र गर्ल्सतर्फ १२ टिम सहभागी हुने आयोजकका सीईओ सोनु पाठकले जानकारी गराइन् । स्पर्धा हरेक वर्ष गर्ने आयोजकको लक्ष्य छ ।
