लिड्सले गर्‍यो व्यवस्थापकलाई बर्खास्त

लिग अंक तालिकाको १७ औं स्थानमा रहेको लिड्स गोल अन्तरले मात्र रेलिगेसन क्षेत्रको ठीक माथि रहेको हो । लिड्स अन्तिम पटक नोभेम्बर ५ मा जित निकाल्न सफल रहेको थियो । गत फेब्रुअरीमा अमेरिकी फुटबल प्रशिक्षक मार्सले वर्खास्तीमा परेका अर्का व्यवस्थापक मार्सेलो बिएल्साको स्थान लिएका थिए ।

लिड्सले मार्ससँगै उनको सहायकहरू सबैलाई पनि बर्खास्त गरेको छ । लिड्सले बुधबार ओल्ड ट्रायफोर्डमा म्यानचेस्टर युनाइटेडको सामना गर्नेछ । आइतबार उसले युनाइटेडसँगै एलान रोडमा सामना गर्नेछ । अबको खेलमा सहायक व्यवस्थापक रहेका मिचेल स्कुबुलाले लिड्सको जिम्मेवारी सम्हाल्ने छन् ।