१६.१२°C काठमाडौं
काठमाडौंमा वायुको गुणस्तर: १५२

बास्केटबलमा न्यु इरा र नेपालय विजयी

काठमाडौँ — न्यु इराले नवौं एक्सेल्सियर कपअन्तर्गत सिनियर गर्ल्स बास्केटबल प्रतियोगितामा शनिबार क्लिन्टनलाई २०–१० स्कोरले पराजित गर्‍यो ।

बास्केटबलमा न्यु इरा र नेपालय विजयी

स्वयम्भूस्थित आयोजकको कोर्टमा न्यु इराकी नर्गिमा तामाङले १४ स्कोर गरिन् । काष्ठमण्डपले रातो बंगलालाई १३–६, रिब्सले पाठशाला नेपाललाई ५–२ ले र एक्सेल्सियरले रेडियन्ट पब्लिकलाई ६–५ ले हराए । काष्ठमण्डपकी आस्मा अर्यालले ७, रिब्सकी नन्सिता लिम्बुले ४ र एक्सेल्सियरकी साम्तेन डोल्मा लामाले ४ स्कोर गरेका थिए ।

सिनियर ब्वाइज बास्केटबलमा नेपालयले रातो बंगलालाई २५–२२ ले, ओएसिसले क्लिन्टनलाई ३६–१८ ले र एलआरआईले एपेक्स लाइफलाई १८–१२ स्कोरले हराए । नेपालयका विजेन थापा मगरले १३, ओएसिसका रेवन राईले २३ र एलआरआईका जयन गिरीले १२ स्कोर गरे ।

फुटबलमा ग्रिनफिल्ड विजयी

यू–१६ ब्वाइज फुटबलमा ग्रिनफिल्डले एक्सेल्सियरलाई ५–१ र रिब्स ‘ए’ लाई २–०, सञ्जय साईले रिब्स ‘बी’ लाई १–० तथा न्यु इराले एक्सेल्सियर नीलोलाई ४–० र रिब्स ‘ए’ लाई ३–० गोलले पराजित गरे ।

यू–१२ ब्वाइज फुटबलमा एक्सेल्सियरले सञ्जय साईलाई ३–१ गोलले हरायो । एक्सेल्सियरका कृश पाण्डेले २ र साहिलराज थापाले १ गोल गरे । साईका इशान चौलागाईंले १ गोल फर्काए ।

प्रकाशित : माघ २१, २०७९ १९:०७
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?