वसन्तपुरमा फागुन २० मा दौड हुने

वसन्तपुरबाट सुरु भई विभिन्न स्थान पुगेर सोही स्थानमा सकिने दौडमा १ हजारभन्दा बढीको सहभागिता रहने आयोजकको अपेक्षा छ । दौडको व्यवस्थापन एनआरएस स्पोर्ट्स फाउन्डेसनले गर्नेछ । फाउन्डेसनले म्याराथन प्रतियोगिताहरू गर्दै आएको छ । फाउन्डेसनकी वाग्मती राईले फाइभ–के रनबारे जानकारी गराइन् । यस दौडलाई पलम्बर पाइपले मुख्य प्रायोजन गर्ने भएको छ । १३ औं सागकी स्वर्णधारी धाविका सन्तोषी श्रेष्ठले जनचेतना जगाउन हुने यस फाइभ–के मा आफ्नो पनि सहभागिता रहने बताइन् ।