बास्केटबलमा एक्सेल्सियर विजयी

जेनिथले ओएसिसलाई ३७–२६ ले, रातो बंगलाले एलआरआईलाई १७–१२ ले र रेडियन्ट पब्लिकले स्वर्णिमलाई ३०–९ स्कोरले हराए । जेनिथका सुशील शाहीले २०, रातो बंगलाका जेबी आचार्यले १४ र रेडियन्टका सुवास गौतमले २० स्कोर जोडे ।

गर्ल्स बास्केटबलमा द चाँदबागले न्यु जेनिथलाई १०–४, काष्ठमण्डपले स्वर्णिमलाई १७–७ र रेडियन्टले रिब्सलाई ८–१ स्कोरले पन्छाए । चाँदबागकी इभ थेबेले ४, काष्ठमण्डपकी रिया राईले ११ र रेडियन्टकी दिव्यांसा कार्कीले ६ स्कोर जोडेका थिए ।

यू–१२ ब्वाइज फुटबलमा आयोजक एक्सेल्सियरले दोहोरो जित निकाल्यो । एक्सेल्सियरले काभ्यालाई १–० र काष्ठमण्डपलाई ३–२ गोलले हराए । काभ्याविरुद्ध आयान महर्जनले निर्णायक गोल गरे । अर्को खेलमा एक्सेल्सियरका साहिलराज थापाले २ र कृष पाण्डेले १ गोल तथा काष्ठमण्डपका सुप्रिम बोहरा र सहज ढकालले १–१ गोल गरेका थिए ।

यू–१६ ब्वाइज फुटबलमा एलआरआईले काभ्यालाई ४–१ ले, हार्टल्यान्ड एकेडेमीले काष्ठमण्डपलाई ३–० ले र बृहस्पति विद्यासदनलाई १–० ले, एनआईसी एकेडेमीले विद्या संस्कारलाई ४–३ ले, रिब्स ‘बी’ ले एक्सेल्सियर नीलोलाई ३–१ ले र होलीभिजनले बृहस्पतिलाई ६–० गोलले हराए । न्यु इरा र ग्रिनफिल्डले गोलरहित बराबरी खेले ।