रामपुर नगरपालिकाको राष्ट्रपति रनिङ सिल्ड उपाधि रामतुल्सीलाई 

६ अंक ल्याएको आधारभूत माध्यमिक विद्यालय रामपुर-७ दोस्रो भयो । तीन अंकसहित दरैठाँटी मावि रामपुर–६, तेस्रो भएको छ । भानुभक्त मावि रामपुर–१०, जनकल्याण मावि रामपुर–१० र भूपू सैनिक राइजिङ, इङ्लिस स्कुलले समान दुई/दुई अंक प्राप्त गरे । कृष्णादेवी मावि रामपुर-२, रामपुर आवासीय मावि रामपुर-५, आनन्द निकेतन विद्याश्रम रामपुर-७ र गंगा मावि रामपुर–८ ले एक/एक अंक प्राप्त गरे ।

रामपुर नगरपालिकाको आयोजना र दरैठाँटी माविको व्यवस्थापनमा प्रतियोगिता भएको हो । छात्रछात्रा भलिबल, एथ्लेटिक्सका सबै विधा, विभिन्न तौल समूहबीचको कराँतेसहित विभिन्न विद्यामा छात्र/छात्राबीच प्रतिस्पर्धा भएको थियो । छात्र भलिबलमा भानुभक्त माध्यमिक विद्यालय रामपुर–१०, बर्दले पहिलो भयो ।

रामतुल्सी माध्यमिक विद्यालय रामपुर–५, बेझाड दोस्रो र र दरैठाँटी मावि रामपुर–६, विजयपुर तेस्रो भएको छ । विजयी तथा उपविजयी खेलाडीलाई पुरस्कार वितरण गर्दै रामपुर नगरपालिकाका नगर प्रमुख रमणबहादुर थापाले खेलाडी र अनुशासन एकअर्काका पुरक भएको बताउँदै जिल्ला स्तरको राष्ट्रपति रनिङसिल्ड प्रतियोगितामा आफ्नो प्रतिभा र दक्षता देखाउनुपर्नेमा जोड दिए ।