२६.१२°C काठमाडौं
काठमाडौंमा वायुको गुणस्तर: ३९०

एलआरआई फेस्टमा टाइम्स र ह्वाइटहाउस च्याम्पियन

काठमाडौँ — एलआरआई स्कुलको मैदानमा बिहीबार भएको फाइनल खेलमा टाइम्सले सीसीआरसीलाई ७६–५२ ले पराजित गर्दै बास्केटबल उपाधि जितेको छ । फुटसल फाइनलमा ह्वाइट हाउस कलेज विजयी भएको छ । टोलीले केसीसीएसलाई ४–२ गोलले हरायो । बास्केटबलमा उत्कृष्ट खेलाडी टाइम्सका पारस केसी र फुटसलमा उत्कृष्ट खेलाडी ह्वाइट हाउसका समिर वन भए । प्रतियोगितामा २० कलेजको सहभागिता थियो ।

एलआरआई फेस्टमा टाइम्स र ह्वाइटहाउस च्याम्पियन

विजेता टिमलाई नागार्जुन नगरपालिकाका उपप्रमुख श्रीमती सुशीला अधिकारीले पुरस्कृत गरिन् ।

विजेताले २४ हजार र उपविजेताले १२ हजार रुपैयाँ पुरस्कार पाए ।

एलआरआईका प्राचार्य देवकान्त जोशीले व्यस्त शैक्षिक क्यालेन्डरका बावजुद कलेज र स्कुलहरूले प्रतियोगितामा भाग लिनुले प्रतियोगिता गरिमा बढेको बताए ।

उच्च माविका संयोजक ध्रुब खड्काले विद्यार्थीको समग्र विकासमा खेलकुद प्रतियोगिताले सकारात्मक प्रभाव पार्ने बताए ।

स्कुलले विद्यार्थीको अध्ययनमा बाधा नपुग्ने गरी फुटसल, क्रिकेट, बास्केटबल, भलिबल, ब्याडमिन्टन, टेबलटेनिस, चेसलगायतका खेलकुदमा प्रशिक्षण गराइरहेको अतिरिक्त क्रियाकलापका संयोजक जयराम खड्काले बताए ।

प्रकाशित : माघ १९, २०७९ १९:०२
प्रतिक्रिया
पठाउनुहोस्
जनताको राय

सुख्खा मौसम सुरुभएसँगै डढेलो र आगलागी घटना व्यापक बढेका छन् । वर्षेनी हुने यस्ता घटनाबाट धेरै क्षति हुन नदिन के गर्नुपर्छ ?