१७.१२°C काठमाडौं
काठमाडौंमा वायुको गुणस्तर: १६०

विशालले जिते व्यास अल्ट्रा म्याराथन

तनहुँ — सहिद दिवसका अवसरमा सोमबार आयोजित छैटौं व्यास नगर अल्ट्रा म्याराथन २०७९ को उपाधि व्यास–७ का विशाल गुरुङले जितेका छन् । व्यास नगरपालिका–५ मानहुँकोटदेखि वडा ८ पुलिमराङसम्मको ४४ किमी दूरीको अल्ट्रा म्याराथन ३ घण्टा २६ मिनेटमा पूरा गर्दै विशालले उपाधि जितेका हुन् ।

विशालले जिते व्यास अल्ट्रा म्याराथन

व्यास–६ का साहस पन्तले ३ घण्टा ३६ मिनेटबाट दोस्रो र आँबुखैरेनी गाउँपालिका–१ का सनम गुरुङले ३ घण्टा ३८ मिनेटबाट तेस्रो स्थान हात पारे ।

५७ खेलाडीको सहभागिता रहेको प्रतियोगिता विजेताले ६१ हजार, दोस्रोले ५१ हजार र तेस्रोले ३८ हजार रुपैयाँ पुरस्कार पाए । सान्त्वना स्थानका तीन खेलाडीलाई जनही १२ हजार ५ सय रुपैयाँबाट पुरस्कृत गरियो । ‘पर्यटन, धार्मिक एवं ऐतिहासिक क्षेत्रको पहिचान, व्यास नगरपालिकाको अभियान’ नारासाथ अल्ट्रा म्याराथनमा अलैचे, चापाघाट, अनसन चौतारी, सफासडक, भोर्लेटार चोक, बैरेनीकुमालटारी, दुम्सी खहरे, कलेस्ती, पाथ्रा, सत्रसय, बानियाँ डिही, बर्लाची, सोतीवेसी, बगुवा रिस्ती, बाहुन पोखरा गाडापानीको मार्ग प्रयोग गरिएको थियो ।

पर्यटकीय क्षेत्र मानहुँकोट र ऐतिहासिक क्षेत्र पुलिमराङको विकासका लागि व्यास नगरपालिकाले वर्सेनि यसै दिन अल्ट्रा म्याराथन गर्दै आएको नगरप्रमुख वैकुण्ठ न्यौपानेले बताए ।

प्रकाशित : माघ १७, २०७९ ०६:५७
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?