काठमाडौं टिम ८ स्वर्णसहित च्याम्पियन

त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा भएको प्रतियोगितामा आयोजक जैसीदेवल युथ क्लब ‘बी’ ३ स्वर्ण, १ रजत र ३ कांस्य जित्दै दोस्रो भयो । तेस्रो स्थानको भक्तपुर नगरपालिकाले २ स्वर्ण र ४ कांस्य जितेको थियो ।

२० टिम सहभागी प्रतियोगिताको ग्यारोगीतर्फ पुरुषमा आयोजक ‘बी’ का सुरेशहाङ लिम्बु र महिलामा काठमाडौंकी दिया रजक उत्कृष्ट खेलाडी भए । पुम्सेमा गोदावरी नगरपालिकाका पिरव महर्जन र महिलामा बूढानीलकण्ठ नगरपालिकाकी युनिका खतिवडा उत्कृष्ट खेलाडी चुनिए । उत्कृष्ट चारै खेलाडीले १ सय अमेरिकी डलर पुरस्कार पाए ।

काठमाडौंका सौरभ रजक उत्कृष्ट प्रशिक्षक र भाष्कर श्रेष्ठ उत्कृष्ट निर्णायक बने । दुवैले जनही १ सय ५० अमेरिकी डलर पुरस्कार पाए । विजेतालाई काठमाडौं महानगरपालिकाका १७ वडाका अध्यक्ष नवीन मानन्धर, आयोजक क्लबका अध्यक्ष राजेश प्रजापतिलगायतले पुरस्कृत गरे ।