नगरस्तरीय राष्ट्रपति रनिङ सिल्ड प्रतियोगिता सुरु 

प्रतियोगितामा नगरका संस्थागत र सामुदायिक गरी १४ वटा विद्यालय सहभागी रहेको नगरपालिकाका शिक्षा शाखा प्रमुख शिवराज त्रिपाठीले जानकारी दिए । उनका अनुसार, प्रतियोगिता १३, १४, १५ र १६ गते बनेपास्थित लायकु मञ्चमा सञ्चालन हुनेछन् ।

प्रतियोगितामा एथ्लेटिक, कबड्डी र भलिबललगायतका खेल हुने उनले जानकारी दिए । प्रतियोगितामा विजयी हुनेले रनिङ सिल्ड, ट्रफी र प्रमाणपत्र पाउने शिक्षा शाखा प्रमुख हुमागाईंले बताए ।

प्रतियोगिताको उद्घाटन गर्दै नगर प्रमुख शाक्यले खेलकुदले विद्यार्थीलाई अनुशासित बनाउनुको साथै शारीरिक रूपमा स्वास्थ्य बनाउन पनि मद्दत गर्ने भएकाले विद्यार्थी जीवनमा खेलकुदको धेरै महत्त्व भएको बताए ।

त्यस्तै कार्यक्रममा नगरपालिकाकी उपप्रमुख बिमला सापकोटा दाहालले खेलकुदले विद्यार्थी जीवनमा ऊर्जा थप्ने काम गर्ने बताइन् । विद्यार्थीले शैक्षिक स्तरलाई सुधार गर्दै खेलकुदका विभिन्न क्षेत्रमा पनि सहभागी हुनका लागि नगरपालिकाका प्रमुख प्रशासकप्य अधिकृत शिवप्रसाद हुमागाईंले बताए ।