अस्ट्रेलियन ओपनको तेस्रो चरणमा जोकोभिच- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

अस्ट्रेलियन ओपनको तेस्रो चरणमा जोकोभिच

एएफपी

मेलबर्न — नोभाक जोकोभिच बिहीबार अस्ट्रेलियन ओपनको तेस्रो चरणमा प्रवेश गरेका छन् । १ सय ९१ औं वरीयताका इन्जो कोउकाडलाई ६–१, ६–७, ६–२ र ६–० ले पराजित गर्दै उनी तेस्रो चरणमा प्रवेश गरेका हुन् ।

यससँगै २२ ग्रान्ड स्लाम उपाधि जित्ने सम्भावना पनि बलियो भएको छ । तर‚ ३५ वर्षीय सर्बियाली खेलाडीले जितका क्रममा मेडिकल टाइम–आउटबाट गुज्रिन बाध्य रहे । अब उनले तेस्रो चरणमा २७ औं वरीयताका ग्रिगोर डिमिट्रोभको सामना गर्नेछन् ।

अन्य शीर्ष वरीयताका खेलाडीको हारले जोकोभिचलाई सजिलो हुने सक्नेछ । यस्तै आठौं वरीयताका फ्रिट्ज एलेक्सी पपीरिनसँग ६–७, ७–६, ६–४, ६–७ र ६–२ ले हराए ।

महिलातर्फ भने आर्यना सबलेन्काले तेस्रो चरण प्रवेश गर्ने क्रममा उनले सेलबाई रोजर्सलाई ६–३ र ६–१ ले पराजित गरिन् । यस्तै फ्रान्सकी चौथो वरीयताका क्यारोलिन गार्सियालले यूएस ओपनका पूर्वउपविजेता लेलह फर्नान्डेजलाई ७–६ र ५–५ ले पराजित गरिन् ।

प्रकाशित : माघ ५, २०७९ २०:१७
प्रतिक्रिया
पठाउनुहोस्

श्रममन्त्रीमाथिको आरोप पुष्टि भए पहिलो कारबाही मै गर्छु : गृहमन्त्री लामिछाने

कान्तिपुर संवाददाता

काठमाडौँ — उपप्रधान तथा गृहमन्त्री रवि लामिछानेले श्रम, रोजगार तथा सामाजिक सुरक्षामन्त्री डोलप्रसाद (डीपी) अर्यालमाथिको आरोप पुष्टि भए पहिलो कारबाही आफैंबाट सुरु गर्ने बताएका छन् ।

बिहीबार प्रतिनिधिसभाको बैठकपछि सञ्चारकर्मीहरुसँग कुरा गर्दै उनले श्रममन्त्री अर्याल संलग्न भएको कुनै म्यानपावर भए आफूलाई जानकारी दिनसमेत आग्रह गरे । सृष्टि ओभरसिज इम्प्लोइमेन्ट सर्भिसेजका अन्तर्राष्ट्रिय बजार निर्देशकको हैसियतमा रहेका अर्याल राष्ट्रिय स्वतन्त्र पार्टीबाट श्रममन्त्री बनेपछि चौतर्फी आलोचना सुरु भएको छ ।

पुष्पकमल दाहाल नेतृत्वको सरकारमा अर्याल मंगलबार श्रममन्त्रीका रुपमा नियुक्त भएका हुन् ।

प्रकाशित : माघ ५, २०७९ २०:०९
पूरा पढ्नुहोस्
प्रतिक्रिया
पठाउनुहोस्
×