ढाका — भारतले बंगलादेशलाई आइतबार दोस्रो टेस्टमा रोमाञ्चक ढंगले तीन विकेटले पराजित गर्दै दुई टेस्टको सिरिज २–० ले जितेको छ । मिरपुरमा भएको कम स्कोरको खेलमा भारतले सात विकेट गुमाएर १ सय ४५ रनको लक्ष्य सफलतापूर्वक पछ्याएको थियो ।

आफ्नो स्वभाविक रूप गुमाइसकेको शेर बंगला नेसनल स्टेडियमको पिचमा भारतले नाटकीय ब्याटिङ पतनको सिकार हुँदै जितसम्म पुगेको हो । भारतका लागि अरविचन्द्रन आश्विनले ४२ रन बनाए र नटआउट रहे ।

यस्तै, अर्का नटआउट ब्याटर श्रेयश अय्यरले २९ रनको योगदान दिए । बंगलादेशका लागि भने मेहदी हसनले ६३ रन खर्चेर पाँच विकेट लिए । आश्विन ‘प्लेयर अफ द सिरिज’ भए भने भारतकै चेतेश्वर पुजारा ‘प्लेयर अफ द सिरिज’ घोषित भए ।