विश्व शारीरिक सुगठनमा नेपालका दुई खेलाडीले प्रतिस्पर्धा गर्ने

थाइल्यान्डको फुकेटमा मंसिर २० देखि २६ सम्म हुने प्रतियोगिताको पुरुष ६५ केजीमा प्रज्ज्वलमान शाक्य र महिला मोडल फिजिकमा श्वेता कपालीले प्रतिस्पर्धा गर्ने छन् ।

नेपाल शारीरिक तथा सुगठन संघका अध्यक्ष राजेशबाबु श्रेष्ठको नेतृत्वमा जाने टोली व्यवस्थापकमा दिनेशकुमार राजभण्डारी, प्रशिक्षकमा रुजेश शाही, अफिसियलमा राजेश उपाध्याय र निर्णायकमा दिनेश श्रेष्ठ छन् । टोलीलाई आइतबार राष्ट्रिय खेलकुद परिषद्का निमित्त सदस्य–सचिव अञ्जन धमलाले बिदाइ गरे ।