नेपालमा पहिलो पटक अन्तर्राष्ट्रिय रग्बी हुँदै- खेलकुद - कान्तिपुर समाचार

नेपालमा पहिलो पटक अन्तर्राष्ट्रिय रग्बी हुँदै

कान्तिपुर संवाददाता

काठमाडौँ — नेपाल रग्बी संघ र एसिया रग्बीको संयुक्त आयोजनामा यू-१८ एसिया रग्बी सेभेन्स प्रतियोगिता शनिबार सुरु हुने भएको छ ।प्रतियोगितामा एसियाका ८ राष्ट्रको सहभागिता रहने नेपाल रग्बी संघका सचिव तथा प्रवक्ता गोविन्द घिमिरेले जनाएका छन् ।

नेपालसहित भारत, चीन, चाइनिज ताईपेइ, दक्षिण कोरिया, थाइल्यान्ड, मलेसिया, बंगलादेश र यूएई सहभागी हुने छन् ।

पुरुषमा ८ र महिलामा ५ टिमको सहभागिता रहनेछ । नेपाली रग्बीको इतिहासमा नेपालमा पहिलो पटक रग्बीको अन्तर्राष्ट्रिय प्रतियोगिता हुन लागेको हो ।

नेपाली टोली हेटौंडाको गौरीटारस्थित रंगशालामा बन्द प्रशिक्षणमा रहेको घिमिरेले बताए । प्रतियोगितालाई सफलतापूर्वक सम्पन्न गर्न नेपाल रग्बी संघको कार्यबाहक अध्यक्ष दीपक देवकोटाको संयोजकत्वमा मूल आयोजक समिति गठन गरिएको छ । दुईदिने प्रतियोगिताका खेलहरू त्रिपुरेश्वरस्थित दशरथ रंगशालामा हुनेछ ।

प्रकाशित : मंसिर १५, २०७९ १९:५५
प्रतिक्रिया
पठाउनुहोस्

लालबन्दीमा खुल्यो एभरेस्ट बैंकको शाखा 

कान्तिपुर संवाददाता

काठमाडौँ — एभरेस्ट बैंक सर्लाहीको लालबन्दीमा आफ्नो शाखा सञ्चालनमा ल्याएको छ । लालबन्दी नगरपालिकाका मेयर वासुदेव अधिकारी र एभरेष्ट बैंकका प्रमुख कार्यकारी अधिकृत सुदेश खालिङ्गले संयुक्त रुपमा शाखाको उद्घाटन गरे ।

सो अवसरमा बैंकका प्रमुख कार्यकारी अधिकृत खालिङ्गले लालबन्दी र सो आसपासका बासिन्दाहरुलाई अत्याधुनिक तथा गुणस्तरीय बैंकिङ्ग सेवा प्रदान गर्ने प्रतिबद्धता जनाए । योसँगै मधेश प्रदेशमा बैंकको शाखा संख्या १३ पुगेको छ । साथै बैंकले संस्थागत सामाजिक उत्तरदायित्व अन्तर्गत शिव शक्ति माध्यामिक विद्यालय, बटेश्वर गाउँपालिका वडा नं. ४, धनुषामा ई–पुस्तकालय निर्माणको लागि आफन्त नेपाललाई ५० हजार रुपैयाँ हस्तान्तरण गरेको छ । बैंकले हालसम्म देशभर करिब १३ लाख ग्राहक, १२३ शाखा सञ्जाल तथा १५७ एटीएम पुगेको जनाएको छ ।


प्रकाशित : मंसिर १५, २०७९ १९:५१
पूरा पढ्नुहोस्
प्रतिक्रिया
पठाउनुहोस्
×