कान्तिपुर वेबसाईट
AdvertisementAdvertisement
२०.१२°C काठमाडौं
काठमाडौंमा वायुको गुणस्तर: १६४

शीर्ष वरीयताकी सर्भांनी विजयी

पोखरा — पोखरामा जारी आईटीएफ जे–५ टेनिस प्रतियोगितामा शीर्ष वरीयताकी सर्भांनी श्रेष्ठले मंगलबार महिला डबल्सतर्फ जित हासिल गरेकी छन् । भारतकी इशी महेश्वरीलाई पार्टनर बनाएकी नेपाली तेस्रो वरीयताप्राप्त सर्भानीको जोडीले भारतकै पद्मा मनिकोन्डा र संस्कृति भडाकट्टु जोडीमाथि ६–०, ६–० को सहज जित निकाल्यो ।

शीर्ष वरीयताकी सर्भांनी विजयी

भारतका सेली र साक्षी ठाक्करको जोडीले श्रीलंकाकी भिस्मी ओन्थेरा सेरासिंगे र भारतकी श्रीथिका रेड्डिको जोडीलाई ६–३, ६–४ को सोझो सेटमा हरायो । कोरियाकी डोङ ह्युन–युम र केगान जोनाथनको जोडीले भारतका आर्यन अरोरा र मायंका शर्माको जोडीलाई पराजित गर्दै दोस्रो चरणमा स्थान बनायो । भारतकै श्रीनिधी बालाजी र लक्ष्मीश्री डन्डुको जोडीले भारतकी देवांशी गोहिल र नेपालकी रायना शाहको जोडीलाई हरायो । नेपालकी आध्या पौडेल र कोरियाकी युन्जी जोङको जोडी भारतीय जोडीसँग हार्‍यो ।

पुरुष डबल्सतर्फ भारतका सिद्धान्त शर्मा र रुसका फेडोर सोसेड्किन जोडीले नेपालका राजविक्रम प्रधान र सक्षमविक्रम शाहलाई ६–४, ६–१ को सेटमा पराजित गर्‍यो । नेपालका आर्यन गिरी र भारतका वंश नन्दलको जोडीले भारतका विभु चालागुण्डला र श्रीनिकेत कन्ननको जोडीलाई ६–४, ६–२ को सेटमा हरायो ।

प्रकाशित : मंसिर १४, २०७९ ०७:५४
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?