भेट्रान खेलाडी उद्धवले जिते दुई पदक
काठमाडौँ — नेपाली भेट्रान खेलाडी उद्धव थापा मगरले उमा (वर्ल्ड युनिफाइड मार्सल आर्ट्स) ब्रीटीस च्याम्पियनसीपमा दोहोरो पदक जितेका छन् ।
यूकेको वर्चेस्टरमा नोभेम्बर २७ तारिखमा भएको प्रतियोगितामा उद्धवले चाइनिज प्याटर्न फर्ममा स्वर्ण र वेप्पन प्याटर्न फर्ममा रजत पदक जितेका हुन् । नेपाल उमा कुङफु संघका अध्यक्ष सिद्धार्थ लामाका अनुसार उद्धवले ४५ वर्षमाथि उमेर समूहमा सफलता हात पारे ।
संघका संस्थापक अध्यक्ष उद्धव हाल उमा कुङफुका सहायक मुख्य प्रशिक्षक पनि हुन् । अन्तर्राष्ट्रिय निर्णायकसमेत रहेका उनी फाइट ब्याक सेल्फ डिफेन्स नेपालका प्रमुख प्रशिक्षक हुन् ।
प्रकाशित : मंसिर १३, २०७९ २०:१७प्रतिक्रिया