बुटवल युनाइटेडविरुद्ध गौतम बुद्ध ६३ रनले विजयी- खेलकुद - कान्तिपुर समाचार

बुटवल युनाइटेडविरुद्ध गौतम बुद्ध ६३ रनले विजयी

सन्जु पौडेल

तिलोत्तमा — रुपन्देहीमा जारी जुनियर क्रिकेट लिगको बिहीबार भएको खेलमा बुटवल युनाइटेडलाई हराउँदै गौतम बुद्ध अन्तर्राष्ट्रिय क्रिकेट एकेडेमी सैनामैना विजयी भएको छ । उसले युनाइटेडलाई ६३ रनको अन्तरले हराएको हो ।

टस जितेर ब्याटिङ रोजेको सैनामैनाका खेलाडीले ३३ ओभरमा सबै विकेट गुमाई १ सय ३९ रन जोडे । जसमा सुशान्त थापाले ३६, सुहान भण्डारीले ३० रनको योगदान गरेका थिए । बलिङमा युनाइटेडका सागर गिरीले ३, सचिन अर्यालले २ विकेट लिए ।

सैनामैनालाई पछ्याउँदै युनाइटेडका खेलाडीले २३ ओभरमै अलआउट भई ७६ रन मात्र बनाउन सके । उसका लागि राजन गिरीले २१ रन बनाए पनि अन्य ब्याटसम्यानले दोहोरो अंक जोड्न सकेनन् । युनाइटेडलाई हराउन सैनामैनाका सन्तोष यादवले ४, अमित अधिकारीले २ विकेट लिए । खेलमा सैनामैनाका सन्तोष यादव म्यान अफ द म्याच घोषित भए ।

प्रतियोगितामा सिद्धार्थनगर वारियर्स, ओमसतिया स्टार्स, तिलोत्तमा टाइटन्स, बुटवल युनाइटेड, देवदह ड्रागन र जीबीआईसीए सैनामैना गरी ६ टिम सहभागी छन् ।

प्रकाशित : मंसिर ८, २०७९ २०:५७
प्रतिक्रिया
पठाउनुहोस्

कपिलवस्तु १ मा एमालेका बलराम अधिकारी विजयी

मनोज पौडेल

कपिलवस्तु — जिल्लामा तीन वटा प्रतिनिधि सभा सदस्य पदका लागि भएको निर्वाचनमा पहिलो जीत नेकपा एमालेले निकालेको छ ।

क्षेत्र नम्बर १ मा एमाले उम्मेदवार बलराम अधिकारी १५ हजार ६९२ मतान्तरले विजयी भएका छन् । उनले ३४ हजार ६७५ मत प्राप्त गरेका छन् ।

उनका निकटतम प्रतिद्वन्द्वी सत्ता गठबन्धनबाट माओवादी केन्द्रका उम्मेदवार चक्रपाणी खनालले १८ हजार ९८३ मत ल्याएको सहायक निर्वाचन अधिकृत शान्तराज आचार्यले बताए ।

विजयी अधिकारी २०७० को संविधान सभा सदस्य निर्वाचित भएका थिए । औपचारिक घोषणा हुन बाँकी छ ।

प्रकाशित : मंसिर ८, २०७९ २०:४०
पूरा पढ्नुहोस्
प्रतिक्रिया
पठाउनुहोस्
×