सूर्यकुमारको शतकमा भारत विजयी- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

सूर्यकुमारको शतकमा भारत विजयी

एजेन्सी

माउन्ट मउनगुई — सूर्यकुमार यादवको विष्फोटक शतकको मद्दतले भारतले दोस्रो ट्वान्टी- २० क्रिकेटमा न्युजिल्यान्डलाई ६५ रनले पराजित गरेको छ ।

यो जितपछि भारतले तीन खेलको शृंखलामा १–० को अग्रता लिएको छ । ‘प्लेयर अफ द म्याच’ सूर्यकुमारले ५१ बलमा नटआउट रहेर १ सय ११ रन बनाए ।

यसक्रममा टस हारेर पहिले ब्याटिङको निम्तो पाएको भारतले ६ विकेट गुमाएर १ सय ९१ रन बनाएको थियो । उसले ४९ बलमै आफ्नो शतक पूरा गरेका थिए । समग्रमा उनले ११ चौका तथा सात छक्का प्रहार गरे । भारतीय इनिङको अन्त्यतिर न्युजिल्यान्डका टिम साउथीले ह्याट्रिक गरे पनि त्यसको अर्थ रहेन् ।

जवाफमा न्युजिल्यान्ड १८.५ ओभरमा अलअआउट हुन अगाडि १ सय २६ रन मात्र बनाउन सक्यो । भारतका लागि दीपक होडा सबैभन्दा सफल बलर रहे र उनले १० रन मात्र खर्चेर चार विकेट लिए । तीन खेल शृंखलाको तेस्रो तथा अन्तिम खेल मंगलबार हुनेछ । पहिलो खेल वर्षाका कारण वासआउट भएको थियो ।

प्रकाशित : मंसिर ४, २०७९ १७:४१
प्रतिक्रिया
पठाउनुहोस्

अस्ट्रेलियालाई वान डे सिरिज

एजेन्सी

सिड्नी — अस्ट्रेलियाले दोस्रो वान डेमा इंग्ल्यान्डलाई शनिबार ७२ रनले पराजित गर्दै तीन खेलको सिरिज जितेको छ । यो जितपछि अस्ट्रेलिया निर्णायक रूपमा २–० ले अगाडि रह्यो ।

टस जितेर पहिले ब्याटिङ गरेको अस्ट्रेलियाले आठ विकेट गुमाएर २ सय ८० रन बनाएको थियो । त्यसमा स्टिभ स्मिथले ९४ रनको योगदान दिए । जवाफमा इंग्ल्यान्ड ३८।५ ओभरमा २ सय ८ रन मात्र बनाएर अलआउट भयो ।

इंग्ल्यान्डका लागि साम बिलिङ्सले ७१ र जेम्स भिन्सले ६० रन बनाए । ‘प्लेयर अफ द म्याच’ माइकल स्टार्कले ४७ रन खर्चेर चार विकेट लिए । अब तेस्रो तथा अन्तिम वान डे मंगलबार मेलबर्नमा हुनेछ ।

प्रकाशित : मंसिर ३, २०७९ १६:४२
पूरा पढ्नुहोस्
प्रतिक्रिया
पठाउनुहोस्
x
×