पीएम कप : अंकितको शतकमा प्रदेश १ को जित

अंकितको १ सय १० रनको मद्दतले प्रदेश १ ले पहिले ब्याटिङ गर्दै ४९.५ ओभरमा ३ सय ४ रन बनाएको थियो । त्यसमा कप्तान सिद्धान्त लोहनीले ४० बलमा ७२ रनको योगदान दिए । वाग्मतीका लागि रामनरेश गिरीले ४२ बलमा ५ विकेट लिए । जितका लागि ३ सय ५ रनको विशाल लक्ष्य पाएको वाग्मतीले ४५.५ ओभरमा अलआउट हुन अगाडि २ सय ३५ रनमात्र बनाउन सक्यो । नन्दन यादवले बनाएको ४३ रन नै वाग्मतीका लागि उच्च व्यक्तिगत स्कोर रह्यो ।

समूह ‘ए’मा पुलिस २ खेलमा २ जितसहित ४ अंकमा शीर्ष स्थानमा छ भने त्यसपछि प्रदेश १ को दुई अंक भएको छ । वाग्मती भने अंकविहीन स्थितिमा छ ।