भारोत्तोलनमा विद्यालाई कीर्तिमानसहित स्वर्ण
पोखरा — नवौं राष्ट्रिय खेलकुदमा पुलिसकी विद्या राईले भारोत्तोलनको महिला ८७ केजीभन्दा माथि तौल समूहको स्न्याचमा कीर्तिमान कायम गरेकी छन् । उनले स्न्याचतर्फ ७६ र क्लिन एन्ड जर्कमा ८८ गरी कुल १६४ केजी भार बहन उचाल्दै स्वर्ण जितेकी हुन् ।
स्न्याचमा ७५ केजीको कीर्तिमान विद्याकै नाममा थियो । उनले थप एक केजी बढी उचालिन् ।
एपीएफकी शिखा थापाले रजत र गण्डकीकी सिन्जल गुरुङले कांस्य पदक जितेका छन् । शिखाले स्न्याचतर्फ ४० क्लिन एन्ड जर्कमा ५३ केजी गरी कुल ९३ केजी भार उचालिन् । गण्डकीलाई कांस्य दिलाएकी सिन्जलले स्न्याचमा ४० र जर्कमा ५० केजी भार उठाइन् ।
भारोत्तोलनमा एपीएफ क्लबले पहिलो स्वर्ण जितेको छ । बुधबार महिला ८७ केजी तौलमा एपीएफकी निशा बलालले स्वर्ण पदक जितिन् । उनले स्न्याचमा ६२ र क्लिन एन्ड जर्कमा ७७ गरी कुल १३९ केजी भार उचालेकी हुन् ।
पुलिसकी जयन्ती श्रेष्ठले स्न्याचमा ६३ र क्लिन एन्ड जर्कमा ७४ गरी कुल १३७ केजी भार उचाल्दै रजत जितिन् । आर्मीकी अस्मिता राईले स्न्याचमा ५७ र क्लिनमा ८८ गरी कुल १२५ केजी भार उचालेकी हुन् ।
२० स्वर्णका लागि भएको प्रतिस्पर्धाको हालसम्म १६ स्वर्णको टुंगो लागेकोमा पुलिसले ९, आर्मीले ४, सुदूरपश्चिमले २ स्वर्ण र एपीएफले १ स्वर्ण जितेका छन् । हालसम्म १६ स्वर्णको टुंगो लागेकोमा नेपाल प्रहरीले ९, नेपाल आर्मीले ४, सुदूरपश्चिमले २ स्वर्ण र एपीएफले १ स्वर्ण जितेका छन् ।
प्रकाशित : कार्तिक २, २०७९ १४:४९
