लुम्बिनीलाई राजधानी कप- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

लुम्बिनीलाई राजधानी कप

चित्रांग थापा

धनगढी — लुम्बिनी प्रदेशले कैलालीको धनगढीमा भएको सुदूरपश्चिम राजधानी कप राष्ट्रिय फुटबल प्रतियोगिताको उपाधि जितेको छ । शनिबार धनगढी रंगशालामा भएको फाइनलमा लुम्बिनीले कर्णाली प्रदेशलाई सडनडेथमा हराएको हो ।

पेनाल्टी शुटआउटमा दुवैबाट ९–९ गोल भएको थियो । त्यसअघि निर्धारित समयसम्म दुवैले १–१ को बराबरी खेलेका थिए । दुवै टोलीले आत्मघाती गोल गर्दा निर्धारित समयको खेल बराबरीमा पुगेपछि निर्णय पेनाल्टी शुटआउटमा गरिएको हो ।

लुम्बिनीले ५ लाख रुपैयाँसहित ट्रफी जितेको छ । उपविजेता कर्णालीले ३ लाख रुपैयाँ पायो । उत्कृष्ट खेलाडी लुम्बिनीका फागुराम चौधरी भए । उनले २० हजार पाए । उत्कृष्ट डिफेन्डर लुम्बिनीका चेतन थारु, उत्कृष्ट गोलरक्षक कर्णालीका सुदीप शाही ठकुरी, उत्कृष्ट प्रशिक्षक कर्णालीका चन्द्रप्रकाश शाही, उत्कृष्ट मिडफिल्डर कर्णालीका भूपेन्द्र शाही चुनिए । उनीहरू जनही १० हजार पुरस्कार पाए ।

अत्तरियाको पीएफए स्पोर्ट्स क्लबको आयोजनामा प्रतियोगिता भएको हो । असोज पहिलो साताको अविरल वर्षाले खेलका सुरुआती चरणमा बाधा उत्पन्न गरेको थियो ।

प्रकाशित : आश्विन १६, २०७९ ०६:४६
प्रतिक्रिया
पठाउनुहोस्

दार्चुलामा लास्कु खोलाको बाढीले १३ घर बगायो, पहिरोमा दुई जना बेपत्ता

चित्रांग थापा

धनगढी — दार्चुला सदरमुकाम नजिक लास्कु खोलामा शुक्रबार राति आएको बाढीले महाकाली नगरपालिकाको बांगाबगड र डुङरीसम्म खोला किनारको बस्तीका १३ घर बगाएको छ । राति ११ बजेतिर खोलामा आएको बाढी र जिल्लाकै नौगाड गाउँपालिकामा पहिरोमा परी २ जना बेपत्ता भएको जानकारी प्राप्त भएको जिल्ला प्रशासन कार्यालय दार्चुलाले जनाएको छ ।

दार्चुलाका प्रमुख जिल्ला अधिकारी दीर्घराज उपाध्यायका अनुसार सदरमुकाम नजिक महाकाली नदीमा मिसिने लास्कु खोलामा राति ११ बजेदेखि आएको बाढीले १२/१३ घर बगाएको हो । ‘राति २ बजेदेखि नै नेपाल प्रहरी, सशस्त्र र नेपाली सेनाको टोली परिचालन गरी उद्धार कार्यमा खटिएको छ,’ प्रजिअ उपाध्यायले भने, ‘बाढीबाट प्रभावित लास्कु खोला किनारको महाकाली नगरपालिकाको बांगाबगर र डुङरीमा १ जना बेपत्ता भएको जानकारी आएको छ ।’ साथै शुक्रबार राति नै नौगाड गाउँपालिका १ सल्लि भन्ने ठाउँमा पहिरोमा पुरिएर अन्य अन्य १ जना बेपत्ता भएको खबर प्राप्त भएको प्रजिअ उपाध्यायले बताए ।

वर्षासँगै रातिको समयमा एक्कासि लास्कु खोलामा आएको बाढीले खोला किनारमा घरहरु बगाउँदा भएको क्षतिको विवरण प्राप्त भएको छैन । तीनवटै सुरक्षा निकाय र स्थानीयवासी उद्धारकार्यमा खटिएका छन् । लास्कु खोला सदरमुकाम नजिक महाकाली नदीमा मिसिन्छ ।

प्रकाशित : भाद्र २५, २०७९ ०९:०५
पूरा पढ्नुहोस्
प्रतिक्रिया
पठाउनुहोस्
×