क्यान्डिडेट मास्टर कृष्णको जित कायमै
काठमाडौँ — नेपालका क्यान्डिडेट मास्टर कृष्ण थापाले ओमानमा भइरहेको एसियन एमेच्योर चेस च्याम्पियनसिपमा आफ्नो जित कायम राखेका छन् । डिफेन्डिङ च्याम्पियन कृष्णले तेस्रो चरणमा भारतका रन्जीत आरकेलाई हराए ।
त्यसअघि कृष्णले दोस्रो चरणमा जापानका ताकेनुउची ओत्सुसीलाई पराजित गरेका थिए । तीन चरण समाप्तिमा उनीसँगै १४ खेलाडीले समान ३ अंक बनाएका छन् । चौथो चरणमा उनले भारतका मधुसुदन केआरसँग कालो गोटीबाट प्रतिस्पर्धा गर्नेछन् ।
कोभिडका कारण दुई वर्षपछि आयोजित प्रतियोगितामा एसियाका २० देशका १ सय ४६ खेलाडीले भाग लिएका छन् ।
प्रकाशित : आश्विन १५, २०७९ २१:५१