मकवानपुरगढी महिला भलिबल च्याम्पियन- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

मकवानपुरगढी महिला भलिबल च्याम्पियन

कान्तिपुर संवाददाता

हेटौंडा — मकवानपुरगढी गाउँपालिकाले मकवानपुर जिल्लास्तरीय महिला भलिबलको उपाधि जितेको छ । बुधबार हुप्रचौरमा भएको फाइनलमा बकैया गाउँपालिकालाई २५–१५, २५–१९, २५–१३ को सोझो सेटमा पराजित गर्दै मकवानपुरगढीले उपाधि जितेको हो ।

विजेता मकवानपुरगढीले ५० हजार र उपविजेता बकैयाले ३० हजार रुपैयाँ पुरस्कार पाए । विजेतालाई हेटौंडा उपमहानगर प्रमुख मीनाकुमारी लामाले पुरस्कृत गरिन् ।

मकवानपुरगढीकी सुस्मिता योञ्जन उत्कृष्ट खेलाडी घोषित हुँदा गढीकै सञ्चमाया स्याङ्तान उत्कृष्ट स्पाइकर र रञ्जन अमात्य उत्कृष्ट प्रशिक्षक घोषित भए । उत्कृष्ट सेटर बकैयाकी कुसुम भोम्जन घोषित भइन् । मकवानपुरगढीकी श्रृषा लोप्चन, थाहा नगरपालिकाकी रोजिना स्याङ्तान र बकैया गाउँपालिकाकी दीपिका कार्की उदीयमान खेलाडी घोषित भए । हेटौडा उपमहानगरपालिका–४ स्थित मैदानमा भएको प्रतियोगितामा ७ टिमले भाग लिएका थिए ।

प्रकाशित : आश्विन १३, २०७९ ०७:१९
प्रतिक्रिया
पठाउनुहोस्

हुमागाईंमाथि कारबाही माग

कान्तिपुर संवाददाता

काठमाडौँ — नेपाल खेलकुद पत्रकार मञ्चले बुधबार नेपाली राष्ट्रिय टिमका कार्यबाहक प्रशिक्षक प्रदीप हुमागाईंलाई उनको गैरजिम्मेवारीपूर्ण कामका लागि कारबाही गर्न अखिल नेपाल फुटबल संघ (एन्फा) समक्ष ध्यानाकर्षण पत्र बुझाएको छ ।

सचिव अञ्जन खड्काको नेतृत्वमा रहेको मञ्च प्रतिनिधिमण्डलले एन्फा अध्यक्ष पंकज नेम्वाङलाई बुधबार उक्त पत्र बुझाएको थियो । नेपाल र बंगलादेशबीचको अन्तर्राष्ट्रिय मैत्रीपूर्ण खेलपछि आयोजित पोस्टम्याच कन्फ्रेन्समा हुमागाईंले खेलकुद पत्रकारप्रति आपत्तिजनक हुँदै पदीय मर्यादाविपरीत कार्य गरेका थिए । उनले यसैक्रममा मञ्चलाई आर्थिक सहयोग गर्ने प्रलोभन देखाएका थिए । मञ्चले हुमागाईंका गैरजिम्मेवार प्रस्तुतिले अन्ततः नेपाली फुटबलमाथि नै कहिल्यै पुर्न नसकिने आघात र व्यवधान पुर्‍याउनेतर्फ एन्फालाई सचेत गराएको छ ।

प्रकाशित : आश्विन १३, २०७९ ०७:१६
पूरा पढ्नुहोस्
प्रतिक्रिया
पठाउनुहोस्
×