डीएभीलाई इन्डोर क्रिकेट उपाधि
काठमाडौँ — आयोजक डीएभी स्कुलले बुधबार चौथो सुशील केडिया मेमोरियल अन्तर स्कुल इन्डोर क्रिकेट प्रतियोगिताको उपाधि जितेको छ । फाइनलमा डीएभीले मोडर्न इन्डियन स्कुललाई ५ विकेटले हरायो । पहिले ब्याटिङ गर्दै मोडर्न इन्डियनले दिएको १ सय ६ रनको लक्ष्य डीएभीले २ बल बाँकी रहँदा ५ विकेट गुमाएर भेट्टायो ।
डीएभीको जितमा आयुष झाले अविजित ४२ रन र आदर्श अग्रवालले २५ रनको योगदान दिए । मोर्डनका लागि मृत्युन्जय पलले ४९ रन जोडे पनि जितलाई पर्याप्त हुन सकेन ।
प्रतियोगिताको उत्कृष्ट खेलाडी र बलर मोडर्नका आयुश जैसवाल घोषित भए। उत्कृष्ट ब्याटर मृत्युन्जय पल भए ।
प्रतियोगितामा डीएभी र मोडर्न इन्डियनसँगै बर्नहार्ट कलेज र ब्लु बर्ड स्कुल सहभागी थिए ।
प्रकाशित : आश्विन ५, २०७९ २१:०५प्रतिक्रिया