भेट्रान कपको उपाधि मोरङलाई 

मोरङबाट डेनिम राई र विनोद धिमालले योगदान दिए । पहिलो हाफमा डेनिम र दोस्रो हाफमा विनोदले गोल गरेपछि मोरङ उपाधि उचाल्न सफल भयो । चितवनको प्रदर्शन राम्रो भए पनि उसले अवसरलाई सदुपयोग गर्न सकेनन् । अवसर सिर्जना गरे पनि फिनिसिङमा चुकेपछि चितवन उपविजेतामै सीमित भयो ।

प्रतियोगिताको सर्वोत्कृष्ट खेलाडी मोरङका डेनिम राई घोषित भए । अन्य विधागत पुरस्कारतर्फ गोलरक्षक मोरङका मीनबहादुर बस्नेत, रक्षक मोरङकै रमेशकुमार बस्नेत, मिडफिल्डर चितवनका यमु राना र उच्च गोलकर्ता सिमराका गोपी भट्ट घोषित भए । नेपाल र भारतका १६ टिमले प्रतियोगितामा भाग लिएका थिए । विजेताहरूलाई मञ्जुदेवीकी छोरा समाजसेवी श्याम गुप्ताले पुरस्कार ट्रफी वितरण गरे । गुप्ताले आमाको नामबाट निजी खर्चमा गत वर्षदेखि भेट्रान कप फुटबल प्रतियोगिता आयोजना गर्दै आएका हुन् ।