स्क्वासमा कृष्णा र विपना भिड्ने- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

स्क्वासमा कृष्णा र विपना भिड्ने

कान्तिपुर संवाददाता

काठमाडौँ — कृष्णा थापा र विपना ब्लोनबीच चौथो धनलक्ष्मी महर्जन मेमोरियल राष्ट्रिय स्क्वास प्रतियोगिताको महिला खुलातर्फ फाइनलमा प्रतिस्पर्धा हुने भएको छ । सातदोबाटोस्थित स्क्वास एकेडेमीमा शुक्रबार कृष्णाले भावना सुनुवारलाई ११–८, ११–४, ११–४ ले हराइन् । विपनाले स्वस्थानी श्रेष्ठविरुद्ध कडा प्रतिस्पर्धामा ११–९, ११–९, १३–११ को सेटमा जित पाइन् ।

पुरुष खुलातर्फ अरहन्तकेशर सिंहले अमिर ब्लोनलाई ११–५, ११–२, ११–६ को सोझो सेटमा हराए । अमृत थापामगरले दीपक थापालाई पनि ३–० ले हराएर फाइनल तय गरे ।

भेट्रान ५० वर्षमाथि सेमिफाइनलमा प्रज्वलप्रकाश प्रधानले धीरबहादुर पुनलाई ३–१ र सुदीपबहादुर सिंहले दिलीप अधिकारीलाई ३–० सेटले हराए ।

जुयिनर ब्वाइजतर्फ विकास मगरले पासाङ लामालाई ११–६, १०–१२, ११–७, ११–९ ले र गोपाल थापाले सलिम थापामगरलाई ११–६, ११–५, ११–६ ले हराएर फाइनल पक्का गरे ।

सबैको फाइनल शनिबार नवनिर्मित सेन्टर कोर्टमा हुनेछ । प्लेटको फाइनलमा राजकृष्ण महर्जन र प्रयाग जोशीबीच प्रतिस्पर्धा हुनेछ ।

प्रकाशित : श्रावण २०, २०७९ २३:००
प्रतिक्रिया
पठाउनुहोस्

माओवादी केन्द्रका अध्यक्ष दाहाल जापान प्रस्थान 

कान्तिपुर संवाददाता

काठमाडौँ — नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल पाँचदिने भ्रमणका लागि जापान प्रस्थान गरेका छन् । सचिवालय टोलीसहित दाहाल राष्ट्रिय ध्वजावाहक नेपाल एयरलाइन्सको विमानबाट शुक्रबार राति जापान प्रस्थान गरेका हुन् । 

दाहाल नेपाली जनप्रगतिशील मञ्च जापानको निमन्त्रणामा त्यसतर्फ गएका हुन् । उनीसँगै स्वकीय सचिव रमेश मल्ल, छोरी गंगा दाहाल, सूर्य किरण रहेका छन् । दाहालले शनिबार जापानको फुकुओकामा आयोजना हुने नेपाल फेस्टिभलको समुद्घाटन गर्नेछन् ।

अगस्ट ६ मा हिरोसिमा घटना भएको ७५ वर्ष पूरा हुन्छ । अगस्ट ७ आइतबार अध्यक्ष दाहालले हिरोसिमा भ्रमण गर्ने भ्रमण तालिका रहेको उनका सचिवालयले जनाएको छ । त्यस्तै आइतबार नै नेपाली जनप्रगतिशील मञ्च जापानको आयोजनामा टोकियोमा हुने नेपाली समुदायहरुबीच 'समृद्ध नेपालको आधार : आर्थिक क्रान्तिमा प्रवासी नेपालीको सरोकार' विषयक खुला अन्तरक्रियामा प्रमुख अतिथिको रुपमा सहभागी बन्नेछन् ।

दाहाल जापानमा रहँदा जापानको सत्तारुढ दल लिबरल डेमोक्रेटिक पार्टीका नेताहरूसँग पनि भेटवार्ताको कार्यक्रम छ । दाहाल साउन २५ गते स्वदेश फर्किने छन् ।

प्रकाशित : श्रावण २०, २०७९ २२:५३
पूरा पढ्नुहोस्
प्रतिक्रिया
पठाउनुहोस्
×