सिरी ‘ए’ मा महिला रेफ्री

इटालियन कपमा काग्लियारीसम्मिलित खेलमा ३१ वर्षीया फेरिरीले पहिलोपल्ट रेफ्रीको भूमिका निभाएकी थिइन् । त्यतिबेला काग्लियारीले सिटाडेलाविरुद्ध खेलेको थियो । उक्त खेलमा उनले तीन गोललाई मान्यता दिएकी थिइनन् । इटालीको फुटबल रेफ्री संघका अध्यक्ष अल्फ्रेडो ट्रेटालान्गाले फेरिरीको उपलब्धि निकै सन्तोषजनक रहेको बताएका छन् ।

उनले भनेका छन्, ‘अर्को सिजन ऐतिहासिक घटना हामीले देख्न पाउने छौं र यो वास्तवमै निकै खुसीको उपलब्धि हुनेछ । माथिल्लो दर्जाको फुटबलमा महिलाको उपस्थितिले खुसी दिनेछ ।’ सात वर्षअघि रेफ्रीको भूमिकामा देखापरेकी फेरिरीले सिरी ‘सी’ को खेल खेलाएपछि गत वर्ष सिरी ‘बी’ को खेल पनि सञ्चालन गरेकी थिइन् ।