सिरी ‘ए’ मा महिला रेफ्री- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

सिरी ‘ए’ मा महिला रेफ्री

एपी

मिलान — रेफ्री मारिया सोले फेरिरीले अर्को सिजन इटालीको सिरी ‘ए’ को खेल सञ्चालन गर्ने भएकी छन् । यसक्रममा उनी इटालीको माथिल्लो डिभिजनमा फुटबल खेलाउने पहिलो महिला रेफ्री हुनेछन् । उनलाई अर्को सिजनका लागि रेफ्रीको उच्च समूहमा बढुवा गरिएको छ । गत वर्ष उनी सिरी ‘ए’ टिमसम्मिलित खेल खेलाउने पहिलो महिला रेफ्री भएकी थिइन् ।

तस्बिर : एपी

इटालियन कपमा काग्लियारीसम्मिलित खेलमा ३१ वर्षीया फेरिरीले पहिलोपल्ट रेफ्रीको भूमिका निभाएकी थिइन् । त्यतिबेला काग्लियारीले सिटाडेलाविरुद्ध खेलेको थियो । उक्त खेलमा उनले तीन गोललाई मान्यता दिएकी थिइनन् । इटालीको फुटबल रेफ्री संघका अध्यक्ष अल्फ्रेडो ट्रेटालान्गाले फेरिरीको उपलब्धि निकै सन्तोषजनक रहेको बताएका छन् ।

उनले भनेका छन्, ‘अर्को सिजन ऐतिहासिक घटना हामीले देख्न पाउने छौं र यो वास्तवमै निकै खुसीको उपलब्धि हुनेछ । माथिल्लो दर्जाको फुटबलमा महिलाको उपस्थितिले खुसी दिनेछ ।’ सात वर्षअघि रेफ्रीको भूमिकामा देखापरेकी फेरिरीले सिरी ‘सी’ को खेल खेलाएपछि गत वर्ष सिरी ‘बी’ को खेल पनि सञ्चालन गरेकी थिइन् ।

प्रकाशित : असार २०, २०७९ ०७:३५
प्रतिक्रिया
पठाउनुहोस्

दिलीप प्रतिष्ठान च्याम्पियन

कान्तिपुर संवाददाता

काठमाडौँ — दिलीप स्मृति प्रतिष्ठान प्रथम उपत्यकाव्यापी तेक्वान्दो प्रतियोगितामा आइतबार ६ स्वर्ण र ३ रजत पदक जित्दै टिम च्याम्पियन बनेको छ ।

मदन भण्डारी स्पोर्ट्स एकेडेमीको आयोजनामा भएको प्रतियोगितामा ३ स्वर्ण, १ रजत र १ कांस्यसहित कोटेश्वर तेक्वान्दो डोजाङ दोस्रो भयो । तेस्रो स्थानको मूलपानी तेक्वान्दो डोजाङले २ स्वर्ण, ३ रजत र २ कांस्य हात पार्‍यो । शीर्ष तीन स्थान हात पार्नेले क्रमशः २० हजार, १५ हजार र १० हजार रुपैयाॅ पुरस्कार प्राप्त गरे ।

त्रिपुरेश्वरस्थित राखेप कभर्डहलमा सम्पन्न प्रतियोगिताको पुरुषमा कोटेश्वरका सागर घिमिरे र महिलामा प्रतिष्ठानकी भवानी बुढाथोकी उत्कृष्ट खेलाडी चुनिए । दुवैले जनही ५ हजार पुरस्कार पाए । पुरुष/महिलाका ८–८ विधामा प्रतिस्पर्धा भएको प्रतियोगिता संयोजक मनोज खड्गीले जनाएका छन् ।

प्रकाशित : असार २०, २०७९ ०७:३५
पूरा पढ्नुहोस्
प्रतिक्रिया
पठाउनुहोस्
×