कान्तिपुरकर्मी परियार वर्ष उत्कृष्ट खेल पत्रकार- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

कान्तिपुरकर्मी परियार वर्ष उत्कृष्ट खेल पत्रकार

कान्तिपुर संवाददाता

पोखरा — कान्तिपुरका पोखरा संवाददाता दीपक परियार छैटौं पोखरा स्पोटर्स अवार्डमा वर्ष उत्कृष्ट खेल पत्रकार घोषित भएका छन् । उनलाई नेपाल खेलकुद पत्रकार मञ्च गण्डकीद्वारा शनिबार पोखरामा आयोजित अवार्ड समारोहमा पुरस्कृत गरिएको हो ।

पुरस्कारको राशि ३५ हजार रुपैयाँ रहेको छ । उनलाई सांसद विद्या भट्टराई, प्रतिभा छनोट समितिका संयोजक एवं पत्रकार महासंघका केन्द्रीय सदस्य त्रिभूवन पौडेल, केन्द्रीय सदस्य सरिता तिमिल्सिना, पत्रकार महासंघ कास्की अध्यक्ष विमला भण्डारीलगायतले अवार्ड प्रदान गरे ।


प्रकाशित : असार १८, २०७९ २०:५६
प्रतिक्रिया
पठाउनुहोस्

त्रिशूली नदीले आमाछोरालाई बगायो

रासस

नुवाकोट — नुवाकोटको विदुर नगरपालिका–३ का संगीता श्रेष्ठ र उनको छोरालाई शनिबार अपराह्न त्रिशूली नदीले बगाएर बेपत्ता बनाएको छ । सात वर्षका छोरा युनिक श्रेष्ठलाई नदीले बगाएपछि बचाउने क्रममा उनकी आमा २८ वर्षीया संगीतालाई पनि नदीले बगाएको जिल्ला प्रहरी कार्यालय नुवाकोटका प्रहरी प्रमुख रामप्रकाश शाहले जानकारी दिए ।

उनका अनुसार वडा नं ३ मैरिटारमा निवासी उनीहरू घर नजिकै ढोडेनीमा रहेको खेतमा काम गर्न गएका थिए ।

खेतको काम सकेर घर फर्कनुअघि हातगोडा धुन लागेका युनिकलाई त्रिशूली नदीले बगाएपछि बचाउन नदी पसेको आमालाई समेत बगाएको स्थानीयवासीले प्रहरीलाई बताएका छन् । नदीमा पानीको बहाव ठूलो र पानीसमेत धमिलो भएकाले खोजतलासमा कठिनाइ भएको प्रहरीले जनाएको छ ।

हराइरहेका उनीहरूको खोजतलासका लागि जिल्ला प्रहरी कार्यालय नुवाकोटसहित मातहतका प्रहरी एकाइ, सशस्त्र प्रहरी बल १९ नं गुल्म नुवाकोट र जबरजङ्ग गण देवीघाटबाट खटिएका १०० भन्दा बढी सुरक्षाकर्मी एवं स्थानीयवासी खटिएको प्रमुख जिल्ला अधिकारी नारायणप्रसाद रिसालले जानकारी दिए ।

प्रकाशित : असार १८, २०७९ २०:५०
पूरा पढ्नुहोस्
प्रतिक्रिया
पठाउनुहोस्
×