विम्बल्डन टेनिस : स्वाटेक सजिलै दोस्रो चरणमा- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

विम्बल्डन टेनिस : स्वाटेक सजिलै दोस्रो चरणमा

एएफपी

लन्डन — आफ्नो जित यात्रालाई कीर्तिमान ३६ खेल पुर्‍याउँदै इगा स्वाटेक मंगलबार विम्बल्डन टेनिसको दोस्रो चरण प्रवेश गरेकी छन् । विश्व नम्बर एक महिला खेलाडी स्वाटेकले क्रोएसियाका क्वालिफायर जाना फेटलाई ६–०, ६–३ ले पराजित गर्दै दोस्रो चरणमा प्रवेश गरेकी हुन् । उनी भेनस विलियम्सको नाममा रहेको सर्वाधिक लगातार जितको कीर्तिमान उछिन्न सफल रहिन् ।

फ्रेन्च ओपन जितेयता पहिलोपल्ट खेलिरहेकी २१ वर्षीया पोल्यान्डकी खेलाडीले सेन्ट्रल कोर्टमा प्राप्त जितपछि भनिन्, ‘पहिलो खेल जहिले पनि चुनौतीपूर्ण हुन्छ । पहिलो सेट जितेपछि दोस्रोमा केही गाह्रो भयो ।’ उनले विम्बल्डनमा खेल्नुभन्दा केही समयअघि देखि कुनै पनि अभ्यास प्रतियोगितामा सहभागिता जनाएकी थिइनन् ।

मंगलबारै स्पेनकी चौथो वरीयताकी पाउला बाडोसाले ५६ मिनेट चलेको खेलमा अमेरिकाकी लुइसा चिरोकोलाई ६–२, ६–१ ले हराइन् । ग्रिककी पाँचौं वरीयताकी मारिया साकारीले अस्ट्रेलियाकी क्वालिफायर जोस हिभेसलाई ६–१, ६–४ ले पराजित गरिन् । कोको गउफले एक सेटले पछाडि रहेको स्थिति उल्टाएर रोमानियाकी एलेना ग्याब्रिएल रुसलाई २–६, ६–३, ७–५ ले पन्छाइन् ।

प्रकाशित : असार १५, २०७९ ०६:२३
प्रतिक्रिया
पठाउनुहोस्

१ सय ८५ किलो गाँजासहित २ जना नियन्त्रणमा 

रुपा गहतराज

नेपालगन्ज — बाँकेको नरैनापुर गाउँपालिकामा भण्डारण गरिएको १ सय ८५ किलो गाँजा प्रहरीले नियन्त्रणमा लिएको छ । 

इलाका प्रहरी कार्यालय भगवानपुरले दुई जनालाई भण्डारण गरेको गाँजासहित नियन्त्रणमा लिएको प्रहरी निरीक्षक वीरबहादुर सुनारले बताए । बाँकेको नरैनापुरमा भुस र गहुँभित्र लुकाएर राखेको १८ बोरा गाँजा बरामद गरेको हो ।

विशेष सूचनाको आधारमा इलाका प्रहरी कार्यालय भगवानपुरबाट गएको प्रहरी टोलीले नरैनापुर गाउँपालिका वडा नम्बर ६ को चौबिस विगाह र दोन्द्राका अनिता मौर्य, चिम्मन अहिर र मन्ते भन्ने रामदास मौर्यको घरमा छापा मार्दा गहुँ र भुसभित्र लुकाइराखेको गाँजा फेला परेको हो ।

प्रहरीले ५० वर्षीया अनिता मौर्या र ३१ वर्षीय पारस मौर्यालाई पक्राउ गरेको छ ।

प्रकाशित : असार १४, २०७९ २१:५९
पूरा पढ्नुहोस्
प्रतिक्रिया
पठाउनुहोस्
x
×