अपन राधेमाई फाइनलमा

सुरुमा ब्याटिङ गरेको राधेमाईले निर्धारित २० ओभरमा ८ विकेट क्षतिमा १ सय २९ रन बनायो । राधेमाईका सागिर मियाँले ३०, सजित अख्तर हवारीले २८ र सफ्वान अलीले १९ रन बनाए ।

जवाफमा घोडाघोडी १२.४ ओभरमा पूरै विकेट गुमाउँदै मात्र ३९ रनमा खुम्चियो । बलिङतर्फ राधेमाईका ‘म्यान अफ द म्याच’ अनिश साह कानुले ३ ओभरमा १ मेडन राख्दै ५ रन खर्चेर ४ विकेट लिए । राधेमाईकै वसिम अली मन्सुरी र रोहन यादवले २–२ ब्याट्सम्यानलाई पेभेलियन फर्काए ।

उपाधिका लागि राधेमाईले ग्रेट हिमालयन क्रिकेट एकेडेमी (जीएचसीए), ललितपुर र आयोजक नेक्सस क्रिकेट एकेडेमीबीचको विजेतासँग खेल्नेछ ।