वर्षाले खेल रद्द भएपछि सेमिफाइनलबाटै बाहिरियो नेपाल- खेलकुद - कान्तिपुर समाचार
एसीसी महिला क्रिकेट टी–२० च्याम्पियनसिप

वर्षाले खेल रद्द भएपछि सेमिफाइनलबाटै बाहिरियो नेपाल

कान्तिपुर संवाददाता

काठमाडौँ — नेपाल एसीसी महिला क्रिकेट टी–२० च्याम्पियनसिपको सेमिफाइनलबाटै बाहिरिएको छ । वर्षाले यूएईविरुद्धको खेल रद्द भएका कारण नेपाल सेमिफाइनलबाटै बाहिरिएको हो ।

नेपालले उत्कृष्ट बलिङ गर्दै यूएईलाई सस्तैमा समेटे पनि जवाफी ब्याटिङ गर्न नपाएको हो । खेल रद्द भएपछि समूह विजेतका रूपमा यूएई फाइनल पुगेको छ । अब यूएईले हङकङ र मलेसियाबीच खेलको विजेतासँग फाइनलमा प्रतिस्पर्धा गर्नेछ ।

मलेसियाको किनरारा ओभलमा टस जितेर पहिले ब्याटिङ गरेको नेपालले यूएईलाई ८१ रनमा अलआउट गरेको थियो । नेपालका लागि अश्मिना कर्माचार्यले उत्कृष्ट बलिङ गर्दै ५ विकेट लिएकी थिइन् । समूह चरणमा तीन खेल जिते पनि नेपाल हङकङसँग भने पराजित भएको थियो । नेपालको ६ अंकसहित समूहको उपविजेता बनेको हो ।

एसीसी महिला क्रिकेट टी–२० च्याम्पियनसिपको फाइनल पुग्ने दुई टोली एसिया कप महिला टी–२० क्रिकेट खेल्न पाउनेछन् । एसिया कपमा एसीसी महिला क्रिकेट टी–२० च्याम्पियनसिपबाट जाने २ टिमबाहेक भारत, पाकिस्तान, श्रीलंका, बंगलादेश र थाइल्यान्ड रहेका छन् ।

प्रकाशित : असार १०, २०७९ ११:३७
प्रतिक्रिया
पठाउनुहोस्

जलेश्वर कारागारका कैदीको मृत्यु

सुनिता बराल

महोत्तरी — महोत्तरीको जलेश्वर कारागारका एक कैदीको मृत्यु भएको छ । महोत्तरी लोहारपट्टी नगरपालिका १ का ८० वर्षीय राजकरण यादव रहेका जिल्ला प्रहरी कार्यालय महोत्तरीले जनाएको छ ।

२ वर्षअघि जिल्ला अदालत जलेश्वरले कर्तव्य ज्यान मुद्दाको फैसलामा उनलाई २० वर्ष जेल सजाय सुनाएको थियो । ८० वर्ष पुगेका र पुरानो रोग रहेकाले उपचारकै क्रममा उनको ज्यान गएको जलेश्वर कारागार महोत्तरीका जेलर अशोककुमार क्षेत्रीले जानकारी दिए । कारागारका अनुसार शुक्रबार बिहान २ बजे यादवलाई असहज भएपछि जलेश्वर अस्पताल लगिएको थियो । अस्पताल लगेपछि उनको मृत्यु भएको क्षेत्रीले बताए ।

उनको शव अहिले जिल्ला अस्पताल जलेश्वरमा रहेको जिल्ला प्रहरी कार्यालय महोत्तरीले जनाएको छ । उनको पोष्टमार्टम गरी परिवारलाई जिम्मा लगाउने तयारी भइरहेको जिल्ला प्रहरी कार्यालय महोत्तरीका एसपी कृष्ण पंगेनीले जानकारी दिए ।

प्रकाशित : असार १०, २०७९ ११:३५
पूरा पढ्नुहोस्
प्रतिक्रिया
पठाउनुहोस्
x
×