एनएसएलका लागि नयाँ मिति
काठमाडौँ — अखिल नेपाल फुटबल संघ (एन्फा) ले नेपाल सुपर लिग (एनएसएल) को दोस्रो संस्करणका लागि मंगलबार नयाँ मिति उपलब्ध गराएको छ । एन्फाले भदौ २५ देखि कात्तिक ५ सम्मको समय दिएको हो ।
एन्फा महासचिव इन्द्रमान तुलाधरलले प्रेस विज्ञप्ति जारी गर्दै यसबारे जानकारी दिएका हुन् । एन्फाले प्रेस विज्ञप्तिमा प्रतियोगिता अगाडि प्राविधिक पक्षबारे आयोजकसँग स्वीकृति लिन पनि भनेको छ ।
नेपाल स्पोर्टस एन्ड इभेन्ट्स म्यानेजमेन्टको आयोजनामा हुने प्रतियोगिता यसअघि चैत २६ मा हुनु पर्ने थियो । तर आयोजक र क्लबीचको विवादबीच प्रतियोगिता हुन सकेको थिएन ।
प्रकाशित : जेष्ठ ३१, २०७९ १४:०४