पारा साइक्लिङ प्रतियोगितामा रामचन्द्र र गोपाल विजयी- खेलकुद - कान्तिपुर समाचार

पारा साइक्लिङ प्रतियोगितामा रामचन्द्र र गोपाल विजयी

कान्तिपुर संवाददाता

काठमाडौँ — रामचन्द्र काफ्ले र गोपाल मोक्तान शनिबार पारा राष्ट्रिय खेलकुदअन्तर्गत राष्ट्रिय पारा साइक्लिङ प्रतियोगितामा विजेता बनेका छन् । रामचन्द्रले शारीरिक अपाङ्गको एम्पुटी र गोपालले कुष्ठरोग प्रभाविततर्फ सफलता पाएका हुन् ।

राष्ट्रिय पारा साइक्लिङ संघको समन्वयमा राष्ट्रिय खेलकुद परिषद्द्वारा आयोजित प्रतियोगिताको एम्पुटीतर्फ सुजन भण्डारी दोस्रो र कृष्ण गुरुङ तेस्रो भए । कुष्ठरोग प्रभाविततर्फ बाबुलाल शरण दोस्रो र विनोद गैरे तेस्रो भए ।

विजेतालाई नेपाल पारा ओलम्पिक कमिटीका अध्यक्ष दीपक कोइराला, राष्ट्रिय पारा साइक्लिङ संघका अध्यक्ष प्रकाश चिलवाललगायतले पुरस्कृत गरे । एकदिने प्रतियोगितामा १६ प्रतिस्पर्धी सहभागी थिए ।

ह्विलचियरमा डिगमलाई स्वर्ण राष्ट्रिय पारा टेबलटेनिसको ह्विलचियरको पुरुष सिंगल्समा डिगमसिंह चेम्जोङ च्याम्पियन भएका छन् । रमेश खत्री दोस्रो तथा भरतबहादुर कार्की र अर्पण सुनुवार राई तेस्रो स्थानमा रहे । सोही विधाको महिलातर्फ लली तामाङले स्वर्ण र रजनी राईले रजत पदक जिते । निर्मला भण्डारी र संगीता माझी संयुक्त तेस्रो स्थानमा रहँदै कांस्य जित्न सफल भए ।

राष्ट्रिय पारा टेबलटेनिस संघको व्यवस्थापनमा भएको प्रतियोगिताको पुरुष सिंगल्स स्ट्यान्डिङमा विवेक राई विजेता भए । स्वीकृत न्यौपाने दोस्रो तथा अजय विक र दीपक नकल तेस्रो भए । महिलातर्फ अस्मिता बुढाले स्वर्ण, पूजा सोतीले रजत तथा आशा हमाल र मेनुका गौतमले कांस्य पदक हात पारे ।


प्रकाशित : जेष्ठ १५, २०७९ ०६:४९
प्रतिक्रिया
पठाउनुहोस्

लोकतान्त्रिक गणतन्त्रलाई जनअनुभूतिबाट प्रमाणित गर्न चाहन्छौं : ओली

कान्तिपुर संवाददाता

काठमाडौँ — नेकपा (एमाले) का अध्यक्ष केपी शर्मा ओलीले समृद्ध नेपाल, सुखी नेपालीको राष्ट्रिय आकांक्षा पूरा गर्ने संकल्प बोकेर लोकतान्त्रिक गणतन्त्रलाई जनअनुभूतिबाट प्रमाणित गर्न चाहेको बताएका छन् ।

पन्ध्रौं गणतन्त्र दिवसका अवसरमा आइतबार शुमकामना सन्देशमार्फत अध्यक्ष ओलीले राष्ट्रिय समृद्धिका पाइलाहरुलाई उचाईमा पुऱ्याउने सबैको साथ रहनेसमेत अपेक्षा राखेका छन् । ओलीको सन्देशमा भनिएको छ, 'जनविरोधी शक्तिहरुका अनुचित दुष्प्रयासहरुले अवरोध पुर्‍याएर थाती रहन पुगेका राष्ट्रिय समृद्धिका पाइलाहरुलाई उचाईमा पुऱ्याउने नेकपा (एमाले) को अभियानमा सम्पूर्णको साथ रहनेछ भन्ने मैले अपेक्षा गरेको छु,'

गत आम निर्वाचनबाट बनेको नेकपा (एमाले) नेतृत्वको सरकारले नयाँ संविधानले परिकल्पना गरेको संघीय लोकतान्त्रिक शासन प्रणालीलाई सुदृढ गर्दै मुलुकलाई विकास र समृद्धिको बहसतर्फ अग्रसर गराएको उनको दाबी छ । उनले मुलुकमा आफूहरुले सुशासन र समृद्धितर्फको बहसमा केन्द्रित गर्न सफल भएको पनि बताएका छन् ।

जनताको बलिदानीपूर्ण संघर्षले स्थापित भएको लोकतान्त्रिक गणतन्त्रमाथि आज संविधानले परिभाषित गरेका राज्यका अंगहरूलाई दुरुपयोग गरी संविधान र प्रणालीको अतिरिक्त व्याख्या/ अपव्याख्याद्वारा प्रहार गर्ने काम भइरहेको उनको सन्देशमा छ । मुलुकको विकासका सम्पूर्ण कामहरुमा अल्पविराम लागेको भन्दै ओलीले केही वर्षयता सुरु भएको विकासको राष्ट्रिय बहसको ठाउँ सत्ताशक्तिको अनुचित भागबन्डा, लेनदेन र राज्यस्रोतको दोहनले लिएको बताएका छन् ।

प्रकाशित : जेष्ठ १५, २०७९ ०६:४९
पूरा पढ्नुहोस्
प्रतिक्रिया
पठाउनुहोस्
×