आईपीएल : बेंगलोर क्वालिफायर-टु पुगेपछि लखनउ बाहिरियो
काठमाडौँ — रजत पाटीदारले बनाएको आक्रामक शतकमा रोयल च्यालेन्जर्स बेंगलोरले इन्डियन प्रिमियर लिगमा बुधबार लखनउ सुपर जायन्टसलाई १४ ले हराएर क्वालिफायर ‘टु’ मा प्रवेश गरेको छ ।
अब फाइनल प्रवेशका लागि शुक्रबार हुने इलिमिनेटरमा बेंगलोरको सामना राजस्थान रोयल्ससँग हुनेछ । हारले लखनउ भने प्रतियोगिताबाट बाहिरियो । गुजराट टाइटन्स भने यसअघि नै फाइनल पुगिसकेको छ ।
इडेन गार्डेनमा भएको खेलमा पाटीटारले ५४ बलमा १ सय १२ रन बनाए र बेंगलोरले चार विकेट गुमाएर २ सय ७ रन बनायो । जवाफमा केएल राहुलले ५८ बलमा ७९ रन बनाए पनि लखनउले ६ विकेटमा १ सय ९३ रन मात्र बनाउन सक्यो ।
प्रकाशित : जेष्ठ १२, २०७९ ०६:४०