कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

प्रिमियर गल्फमा नीरज अगाडि

काठमाडौँ — नीरज तामाङ आठ अन्डर ६४ स्कोर गर्दै गोकर्ण गल्फ क्लबमा भइरहेको सूर्य नेपाल प्रिमियर गल्फ च्याम्पियनसिपको दोस्रो दिन मंगलबार शीर्षस्थानमा उक्लिएका छन् । ३६ होल समाप्तिमा उनको कुल स्कोर १२ अन्डर १३२ भएको छ ।

प्रिमियर गल्फमा नीरज अगाडि

नीरजभन्दा दुई स्ट्रोक पछाडि छन् शुक्रबहादुर राई र एमेच्योर वान्चेन ढोन्डुप । पहिलो दिन शीर्षस्थानमा रहेका वान्चेनले मंगलबार तीन अन्डर ६९ को कार्ड बनाए भने शुक्रले सात अन्डर ६५ स्कोर गरे । यी दुईको कुल स्कोर १२ अन्डर १३४ भएको छ । अर्का एमेच्योर सद्भाव आचार्यले उत्कृष्ट प्रदर्शन गर्दै ६ अन्डर ६६ स्कोर गरे । समग्रमा चौथोमा रहेका उनको कुल स्कोर ९ अन्डर १३५ भएको छ ।

नीरजले सुरुका ९ होलको स्कोर चार अन्डर ३२ मा राखेका थिए । बोगीरहित प्रदर्शन गर्ने क्रममा उनले पछिल्ला ९ होलमा पनि समान स्कोर गरे । दोस्रो, तेस्रो, पाँचौं, छैटौं, बाह्रौं र पन्ध्रौं होलमा बर्डी गरेका उनले पार ४ को १४ औं होलमा दुई स्ट्रोक बचाउँदै इगल खेलेका थिए ।

शुक्रले सुरुका ९ होलमा उत्कृष्ट प्रदर्शन गर्दै ६ अन्डर ३० स्कोर गरेका थिए । पछिल्ला ९ होलमा उनले उस्तै प्रदर्शन गर्न सकेनन् र एक अन्डर ३५ को कार्ड बनाए । वान्चेनले सुरुका ९ होलमा दुई अन्डर ३४ र त्यसपछि एक अन्डर ३५ स्कोर गरे । सुरुका ९ होलको स्कोर तीन अन्डर ३३ मा राखेका सद्भावले पछिल्ला ९ होल पनि ३३ स्ट्रोकमै टुंग्याएका थिए ।

लगातार दोस्रो दिन ४ अन्डर ६८ खेलेका भुवन नगरकोटी समग्रमा आठ अन्डर १३६ सहित पाँचौं स्थानमा छन् । पाँच अन्डर ६५ खेलेका पूर्ण शर्मा (कुल ६ अन्डर १३८), चार अन्डर ६८ स्कोर गरेका भुवनकुमार रोका (समग्रमा ५ अन्डर १३९), ६ अन्डर ६६ खेलेका धनबहादुर थापा (कुल ४ अन्डर १४०), तीन अन्डर ६९ स्कोर गरेका आरभ शाह (कुल चार अन्डर १४०), एक अन्डर ७१ खेलेका रामे मगर (कुल तीन अन्डर १४१) र इभन पार ७२ को कार्ड बनाएका एमेच्योर महेन्द्र फगामी (कुल तीन अन्डर १४१) शीर्ष दसमा छन् ।

सूर्य नपाल गल्फ टुर २०२१–२२ को अन्तिम प्रतियोगितामा दुई दिनको खेलपछि ६ ओभर १५० स्कोरसम्म रहेका २२ प्रो र आठ एमेच्योर खेलाडी ‘कट’ बनाएर फाइनल चरण प्रवेश गरेका छन् । कुल १४ लाख ६१ हजार रुपैयाँ पुरस्कारको प्रतियोगितामा उनीहरूवीच अन्तिम दुई चरणको प्रतिस्पर्धा हुनेछ ।

प्रकाशित : जेष्ठ ११, २०७९ ०७:०६
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?