दृष्टिविहीन क्रिकेट
काठमाडौँ — राष्ट्रिय पुरुष दृष्टिविहीन क्रिकेटको उपाधि वाग्मती प्रदेशले जितेको छ । टोलीले दुई खेलको टी–२० शृंखला २–० ले जितेको हो । दोस्रो खेलमा वाग्मतीले मधेस प्रदेशलाई २ विकेटले हरायो ।
पहिले ब्याटिङ गरेको मधेसले २० ओभरमा ९ विकेट गुमाई १ सय ५२ रन बनायो । सागर चेपाङले ३१ रन जोडे । प्रत्युत्तरमा वाग्मतीले १९.४ ओभरमा ८ विकेट गुमाई लक्ष्य भेटायो । शान्त पहरीले ३८ रन बनाए ।
राष्ट्रिय दृष्टिविहीन क्रिकेट संघको तत्त्वावधानमा मूलपानी क्रिकेट मैदानमा भएको खेलमा शान्त म्यान अफ द सिरिज घोषित भए । सिरिजमा शान्तले ६९ रन बनाउनुका साथै ४ विकेट लिए । पहिलो खेलमा वाग्मतीले मधेसलाई ७ विकेटले हराएको थियो ।
प्रकाशित : जेष्ठ ८, २०७९ ०७:०५प्रतिक्रिया