लखनउ बन्यो प्ले अफ पुग्ने दोस्रो टिम- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

लखनउ बन्यो प्ले अफ पुग्ने दोस्रो टिम

एएफपी

मुम्बई — लखनउ सुपर जायन्ट्सले बुधबार इन्डियन प्रिमियर लिग (आईपीएल) २०२२ मा कोलकाता नाइट राइडर्सलाई दुई रनले पराजित गर्दै प्ले अफमा पुग्ने दोस्रो टोली बनेको छ । यसका लागि लखनउका लागि शतक बनाएका क्विन्टन डे कक र कप्तान केएल राहुलले २ सय १० रनको कीर्तिमान साझेदारी गरेका थिए ।

तस्बिरः आईपीएल ।

त्यसको मद्दतमा लखनउले विकेटको क्षति बिना नै २ सय ११ रनको लक्ष्य तयार पारेको थियो । जवाफमा मुम्बईले आठ विकेटमा २ सय ८ रन बनायो । रिन्कु सिंहले १५ बलमा ४० रन बनाएर कोलकातालाई जितको संघारमा पुर्‍याए पनि उनी इनिङ्सको दोस्रो अन्तिम बलमा आउट भए । हारले कोलकाता प्ले अफको सम्भावनाबाट बाहिरिएको छ ।

मार्क स्टोइनसले अन्तिम ओभरमा २१ रनको रक्षा गरे । रिन्कुले एक चौका र दुई छक्का प्रहार गरेका थिए । अहिलेसम्म प्रतियोगिताका दुई नव प्रवेशी टिम गुजरात टाइटन्स र लखनउ प्ले अफ पुग्ने दुई टिम रहेका छन् । गुजरात २० अंकमा शीर्ष स्थानमा भने लखनउ १८ अंकमा दोस्रो स्थानमा छ । कोलकाताको भने १२ अंकमा छैटौं स्थानमा छ ।

प्रकाशित : जेष्ठ ५, २०७९ ०६:५४
प्रतिक्रिया
पठाउनुहोस्

विष्णुपुर गाउँपालिकाको अध्यक्षमा जसपाका यादव निर्वाचित

अवधेशकुमार झा

राजविराज — सप्तरीको विष्णुपुर गाउँपालिकाको अध्यक्षमा जनता समाजवादी पार्टीका उमेशप्रसाद यादव निर्वाचित भएका छन् ।

निवर्तमान अध्यक्ष कांग्रेसका लिलाम्बर यादवलाई ३ सय ५३ मत अन्तरले पराजित गर्दै जसपाका यादव निर्वाचित भएका हुन् । यस्तै उपाध्यक्षमा नेपाली कांग्रेसकी रेणुकुमारी यादव निर्वाचित भएकी छन् ।

यादवले ३ हजार १ सय ६४ मत प्राप्त गरी विजयी भएका हुन् । उनका निकटतम प्रतिस्पर्धी कांग्रेसका लिलाम्बर यादवले २ हजार ८ सय ११ मत प्राप्त गरे ।

उपाध्यक्षमा कांग्रेसकी रेणुकुमारी यादवले ३ हजार ३ सय ६५ मत प्राप्त गरिन् । उनको निकटतम प्रतिस्पर्धी जसपाकी उषाकुमारी साहले ३ हजार ४६ मत प्राप्त गरिन् ।

प्रकाशित : जेष्ठ ५, २०७९ ०६:४९
पूरा पढ्नुहोस्
प्रतिक्रिया
पठाउनुहोस्
×