इन्टरले जित्यो कोपा इटालिया- खेलकुद - कान्तिपुर समाचार
कान्तिपुर वेबसाईट
AdvertisementAdvertisement

इन्टरले जित्यो कोपा इटालिया

एजेन्सी

मिलान — इन्टर मिलानले पछाडि रहेको स्थिति उल्टाएर युभेन्ट्सलाई ४–२ ले हराएर बुधबार कोपा इटालिया जितेको छ । इन्टरले यो उपाधि जितेको सन् २०११ यता पहिलो पल्ट हो ।

हकन चाल्हानाग्लुले ८० औं मिनेटमा पेनाल्टीबाट गोल गरेपछि खेल अतिरिक्त समयमा गएको थियो । त्यसमा इभान पेरिसिचले दुई गोल गरे र इन्टर आठौं पल्ट यो उपाधि जित्न सफल रह्यो ।

डिफेन्डिङ च्याम्पियन रहेको युभेन्ट्स यो हारपछि सन् २०११ यता पहिलोपल्ट यो सिजन उपाधिविहीन रहने भएको छ । इन्टर भने अझै इटालीको सिरी ए उपाधिको बाटोमा छ र दुई अंकको दूरीमा एसी मिलानपछि दोस्रो स्थानमा छ ।

प्रकाशित : वैशाख २९, २०७९ ०७:१३
प्रतिक्रिया
पठाउनुहोस्

दिल्लीले सम्भावना बढाउँदै

एजेन्सी

मुम्बई — अस्ट्रेलियाका मिचेल मार्सले बनाएको ८९ रनको मदतले दिल्ली क्यापिटल्सले बुधबार इन्डियन प्रिमियर लिग (आईपीएल) २०२२ मा राजस्थान रोयल्सलाई आठ विकेटले हरायो र आफ्नो प्लेअफ सम्भावना बढाउन सफल रह्यो ।

यो जितपछि दिल्लीको १२ अंक भएको छ र पाँचौं स्थानमा उक्लेको छ । जितका लागि १ सय १६ रन पछ्याइरहेको दिल्लीका लागि डेविड वार्नर मार्सले दोस्रो विकेटका लागि १ सय ४४ रनका साझेदारी गरे र टिम ११ बल बाँकी छँदै लक्ष्यसम्म पुग्न सफल रह्यो ।

राजस्थान भने अझै १४ अंकमा तेस्रो स्थानमा रहेको छ । उसका लागि रविचन्द्र आश्विनले ५० र देवदत्त पडिक्कलले ४८ रनको योगदान दिए ।

प्रकाशित : वैशाख २९, २०७९ ०७:०९
पूरा पढ्नुहोस्
प्रतिक्रिया
पठाउनुहोस्
x
×