अरायोको चोटले ओझेलमा बार्सिलोनाको जित
काठमाडौँ — पिएरे एमरिक अबामेयाङले गरेको दुई गोलमा बार्सिलोनाले स्पेनी ला लिगामा सेल्टा भिगोलाई मंगलबार ३–१ ले हराएको छ र यो जितसँगै अंक तालिकाको दोस्रो स्थानमा उसको पकड बलियो भएको छ ।
बार्सिलोनाको यो जित भने डिफेन्डर रोनाल्ड अरायोले बेहोरको चोटका कारण ओझेलमा परेको छ । खेलको ६४ औं मिनेटमा टाउकोमो चोट लागेपछि उनलाई एम्बुलेन्सबाट अस्पताल लगिएको थियो ।
यो जितपछि बार्सिलोनाको ३२ खेलबाट ७२ अंक भएको छ । मंगलबारकै अन्य खेलमा रियल बेटिसले भ्यालेन्सियालाई ३–० र एथलेटिको बिलबाओले ग्रेनेडालाई १–० ले हरायो ।
प्रकाशित : वैशाख २८, २०७९ ०६:५९प्रतिक्रिया
