आईपीएल २०२२ : गुजरात प्लेअफ पुग्ने पहिलो टिम
काठमाडौँ — गुजरात टाइटन्स इन्डियन प्रिमियर लिग (आईपीएल) २०२२ को प्ले अफ पुग्ने पहिलो टिम भएको छ । यसका लागि उसले मंगलबारको खेलमा लखनउ सुपर जायन्ट्सलाई सजिलै ६२ रनले पराजित गर्यो ।
यो जितपछि गुजरात १८ अंकसहित लिग तालिकाको शीर्ष स्थानमा उक्लिएको छ । लखनउ भने १६ अंकमा सीमित रहेर दोस्रो स्थानमा झरेको छ । लगातार चार जितपछि लखनउको यो पहिलो हार हो ।
पहिले ब्याटिङ गरेको गुजरातले चार विकेटमा १ सय ४४ रन बनाएको थियो । जवाफमा लखनउ ८२ रन बनाएर अलआउट भयो । गुजरातका लागि लेग स्पिनर रसिद खानले घातक बलिङ गरे । उनले २४ रन खर्चिएर चार विकेट लिए ।
प्रकाशित : वैशाख २८, २०७९ ०६:३४