लिभरपुल शीर्ष स्थानबाट एक अंकको दूरीमा- खेलकुद - कान्तिपुर समाचार

लिभरपुल शीर्ष स्थानबाट एक अंकको दूरीमा

एएफपी

लन्डन — लिभरपुलले इंग्लिस प्रिमियर लिगमा बुधबार आर्सनललाई २–० ले हराएर शीर्ष स्थानमा रहेको म्यानचेस्टर सिटीसँगको दूरी एक अंकमा छोट्याएको छ । उसका लागि डिएगो जोटा र रोबर्टो फिरमिनोले गोल गरे । सिटीले क्रिस्टल प्यालेससँग खेलेको गोलरहित बराबरीको नतिजाको फाइदा लिँदै अहिले आर्सनललाई इमिरेट्समा हराएको हो ।

योर्गन क्लोपको लिभरपुल अहिले ऐतिहासिक चार उपाधिको पछाडि रहेको छ र उसले लिगका पछिल्ला नौ खेल लगातार जितेको छ । यी खेलमा उसले २३ गोल गरेको छ भने जम्मा दुई गोल खाएको छ । जनवरी १५ सम्म सिटीसँग लिभरपुल १४ अंकले पछाडि रहेको थियो । तर अब उसले पछिल्ला तीन सिजनमा दोस्रो लिग उपाधिका लागि प्रयास गर्न सक्नेछ ।

अप्रिल २ मा लिभरपुलले वाटफोर्डको सामना गरेपछि अप्रिल १० मा दुई टिमबीच निर्णायक खेल हुन सक्नेछ । त्यसका लागि इतिहाडमा हुने खेलमा लागि लिभरपुलले सिटीको भ्रमण गर्नेछ । आर्सनलविरुद्ध भने जोटाले ५४ र फिरमिनोले ६२ औं मिनेटमा गोल गरे । बुधबारकै अर्को खेलमा टोटनहमले ब्राइटनलाई २–० ले हरायो ।

प्रकाशित : चैत्र ३, २०७८ ०७:१३
प्रतिक्रिया
पठाउनुहोस्

तालिवानद्वारा क्रिकेट प्रमुख बर्खास्त

एएफपी

काबुल — तालिवानले अफगानिस्तानी क्रिकेट बोर्डका प्रमुख हामिद सिनवारीलाई मंगलबार बर्खास्त गरेको छ । उनको स्थानमा नसिबुल्लाह हक्कानीलाई नियुक्त गरिएको छ । उनी हक्कानी समूहका सदस्य हुन् । अफगानिस्तानमा भएका अनेक आक्रमणका लागि हक्कानी समूह जिम्मेवार मानिन्छ । हक्कानी तालिवानकै एक समूह हो । 

सिनवारीले आफ्नो फेसबुकमा आफूलाई हटाएको लेखेका छन् । यसका लागि हक्कानी समूहका शीर्ष नेताले आदेश दिएको पनि बताएका छन् । उनले भनेका छन्, ‘अनास हक्कानीले क्रिकेट बोर्डमा भ्रमण गर्दै अबदेखि कार्यकाल सकिएको जानकारी दिए ।’ अनास हक्कानी तालिवानका उच्च नेता हुन् ।

उनी अफगानमन्त्री सिराजुद्दिन हक्कानीका कान्छा भाइ हुन् । सिनवारीले आफ्नो फेसबुकमा सन्देश छाडेयता त्यसलाई ‘डिएक्टिभ’ गरेका छन् । सिनवारीले आफूलाई लिखित रूपमा कुनै जानकारी भने प्राप्त नभएको जनाएका छन् । आफू निर्वाचित कार्यकारी प्रमुख भएको तर अहिले किन हटाइएको हो भनेर थाहा नभएको उनले बताएका छन् ।


प्रकाशित : आश्विन ६, २०७८ ०८:४३
पूरा पढ्नुहोस्
प्रतिक्रिया
पठाउनुहोस्
×