कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १४९

समुद्रदेखि सगरमाथासम्मको यात्रामा जुडो खेलाडी सब्रिना

कुम्भराज राई

ओखलढुंगा — जुडोकी प्रसिद्ध खेलाडी अस्ट्रियाकी सब्रिना फिल्जमोजर समुद्री सतहदेखि सगरमाथा आरोहणसम्मको यात्रामा निस्किएकी छन् । भारतको पश्चिम बंगालस्थित दिगा भन्ने समुद्री सतहदेखि उनी साइकल चढेर सगरमाथा आरोहणको यात्रामा निस्किएकी हुन् । 

समुद्रदेखि सगरमाथासम्मको यात्रामा जुडो खेलाडी सब्रिना

साइकल यात्रामा निस्किएको नवौं दिन उनी सोलुखुम्बु पुगेकी छन् । उनको साथमा अन्तराष्ट्रिय साईक्लिङ एथलेट तथा माउन्टेन बाइक क्रस कन्ट्रीकी साउथ एसियन विजेता लक्ष्मी मगर र साइक्लिङका भेटेरान राष्ट्रिय विजेता हर्क लामा छन् । भारतको दिगाबाट सुरु भएको साइक्लिङ यात्रा जोगवनी नाकाबाट विराटनगर हुँदै उदयपुरको गाईघाट-कटारी-ओखलढुंगा भएर सोलुखुम्बुको माप्य दूधकोशी गाउँपालिका पुगेर टुंगिनेछ ।

सब्रिना त्यहाँबाट पैदल हिँडेर सगरमाथा आरोहणका लागि आधारशिविर तर्फ लाग्नेछिन् । अन्तराष्ट्रिय जुडो संघकी जलवायू परिवर्तन दूतसमेत रहेकी सब्रिना जुडो खेलकी ओलम्पिक विजेता हुन् । ४२ वर्षीया उनी जेठी जुडो च्याम्पियनसमेत हुन् । दिगादेखि सोलुखुम्बुसम्म करिब १ हजारभन्दा बढी किलोमिटर दूरी साइकलमा पार गर्ने र त्यसपछि अप्लिमेन्टल अक्सिजनबिनै सगरमाथा आरोहणका लागि जाने उनले बताइन् ।

‘कसरी ऊर्जालाई सञ्चित गर्ने र वातावरण संरक्षणका लागि यात्रा गर्ने भन्ने उद्देश्यका साथ समुद्रदेखि सगरमाथाको यात्रामा निस्किएकी हुँ‚’ ओखलढुंगा सदरमुकाममा पत्रकारहरूसँग कुरा गर्दै सब्रिनाले भनिन्, ‘हामी केटाकेटीलाई बिरुवा कसरी रोप्ने र प्रकृतिको संरक्षण कसरी गर्ने भन्ने विषयहरुमा सन्देश दिन चाहन्छौं ।’

उनले सन् २०१६ मै नेपालको मनास्लु हिमाल र २०१७ मा आमाडब्लम हिमालको आरोहण गरिसकेकी छन् ।

प्रकाशित : चैत्र १, २०७८ १७:०८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?