सुपर लिग : तीन नयाँ टिम- खेलकुद - कान्तिपुर समाचार

सुपर लिग : तीन नयाँ टिम

कान्तिपुर संवाददाता

काठमाडौँ — फ्रेन्चाइज फुटबल प्रतियोगिता नेपाल सुपर लिगको दोस्रो संस्करणमा १० टिमले सहभागिता जनाउने भएका छन् । आयोजक नेपाल स्पोर्टस म्यानेजमेन्टका अनुसार यसपल्टका प्रतियोगिताबाट तीन नयाँ टिम थपिएको छ ।


यसपल्टको प्रतियोगिता भने चैतको अन्तिम साताबाट सुरु हुनेछ । यसअघि पहिलो संस्कणको प्रतियोगितामा सात टिम सहभागी थिए र काठमाडौं रेजर्सले त्यसको उपाधि जितेको थियो ।

यस्तै दोस्रो संस्करणका दुई खेल सहरमा हुनेछन्, काठमाडौं र पोखरामा । यसअघि काठमाडौंमा मात्र प्रतियोगिता भएको थियो । थपिएका तीन टिमका लागि खेलाडीको लिलामी पनि गरिने छ ।


प्रकाशित : माघ १२, २०७८ १६:३०
प्रतिक्रिया
पठाउनुहोस्

नेपालमा थपिए ८ हजार ४५४ संक्रमित, २४ घण्टामा ४ हजार ४३३ निको, ५ जनाको मृत्यु

कान्तिपुर संवाददाता

काठमाडौँ — नेपालमा पछिल्लो २४ घण्टामा बुधबार थप ८ हजार ४५४ जनामा कोरोना संक्रमण पुष्टि भएको छ । एन्टिजेन र पीसीआर विधिबाट गरिएको २० हजार ३५९ परीक्षणमा देशभर ८ हजार ४५४ संक्रमित थपिएको स्वास्थ्य तथा जनसंख्या मन्त्रालयले जानकारी दिएको हो ।

१३ हजार ५४९ पीसीआर परीक्षणमा ५ हजार ५७१ र ६ हजार ८१० एन्टिजेन जाँच गर्दा २ हजार ८८३ जना संक्रमित फेला परेका हुन् ।

२४ घण्टाको अवधिमा ४ हजार ४३३ जना निको भएका छन् भने ५ जनाको मृत्यु भएको छ ।

हालसम्म नेपालमा सक्रिय संक्रमितको संख्या ९० हजार ६७ पुगेको छ । २४ घण्टामा २ लाख ५६ हजार ४१६ जनाले खोप लगाएका छन् ।


प्रकाशित : माघ १२, २०७८ १६:३०
पूरा पढ्नुहोस्
प्रतिक्रिया
पठाउनुहोस्
×